दाङ । देउखुरी कालापानी सिसहनियामा सञ्चालित महाेत्सव असफल भएको स्थानीय र दर्शकहरुले बताएका छन् । मंगलबार दिउँसो आउने भनिएका कलाकार प्रमोद खरेल झमक्क साँझ परेपछि साढे ६ बजेतिर मात्रै मञ्चमा देखिए । जहाँ दर्शकले उनलाई हेर्न र सुन्नका लागि भनेर १ सय रकमको टिकट काटेर दिउँसोदेखि पर्खिरहेका थिए । उनै खरेल साँझसम्म पनि देखिएनन् । टिकट काटेका अधिकांश दर्शकहरु चिसोको कारण घर फर्किसकेका थिए । तब साढे ६ बजेतिर उनी झुल्किए मञ्चमा । कतिपय दर्शक र स्थानीयले यसलाई महोत्सव आयोजकको असफलता बताएका छन् ।
प्रमोद खरेल आउँछन् भनेर दिउँसै सय!रुपैयाँ टिकट काटेर यहाँ महोत्सवमा भित्र प्रवेश गरियो तर साँझसम्म कुर्दा पनि उनी नआएपछि मन चिसो बनाएर घर फर्किन पर्यो । यो राम्रो भएन भन्दै पूजा चौधरीले गुनासो पोखिन् । दिउँसो आउँछन् भनेर किन साँझसम्म हामीलाई चिसोमा दु:ख दिनु खेदजनक रहेको उनलेे बताइन् । त्यस्तै अर्का दर्शक लक्ष्मी कुमालले पनि आयोजकले आफूलाई चिसोमा दु:ख दिएको भन्दै असन्तुष्टि व्यक्त गरेकी छिन् ।
त्यसैगरी देउखुरीको कालापानी सिसहनियामा सञ्चालित महोत्सव आयोजकले सरासर झूटो बोलेर दर्शकलाई धोका दिएका कारण महोत्सव त्यसैपनि असफल भएको उनीहरूले उल्लेख गरेका छन् । सो महोत्सवमा प्रमोद खरेल हेर्न र सुन्न आएका पूजा र लक्ष्मी मात्रै होइन । सरला, माधव, प्रकाश, गिता र मनोज लगायतका दर्शकहरुको आरोप छ । सय रुपैयाँ टिकटको लागि महोत्सव आयोजकले हामीलाई झूटो बोलेर धोका दिएको छ, उनीहरूले आक्रोश पोखे ।
यश विषयमा महाेत्सव आयोजक सिसहनिया उद्योग बाणिज्य संघ,कालापानी सिसहनियाका अध्यक्ष पूर्णबहादुर बुढाथोकीशीतको कुराकानीमा माघ १ गतेको दिन यातायातका कारणले गायक प्रमोद खरेल महोत्सवमा ढिलो आएको बताए । अब महोत्सवमा आउने कलाकारहरु ढिलो आएकोमा आयोजकको कमजोरी भएको स्वीकार गर्दै । अब उप्रान्त महोत्सवमा आउने कलाकारहरु निर्धारित समयमा नआएको खण्डमा मञ्चमा उक्लन नदिने चेतावनी दिएको पनि कुराकानीमा प्रतिक्रिया दिएका छन् ।
