काठमाडौं । विमानस्थलको पूर्वाधार विस्तारका क्रममा धावनमार्ग नजिकको काम ६० प्रतिशत पूरा भएपछि सञ्चालन समय बढेको हो।
यसअघि दैनिक १० घण्टा बन्द हुँदै आएको विमानस्थल अब बिहान ७ बजेदेखि राति ११ बजेसम्म खुल्ने छ। नेपाल नागरिक उड्डयन प्राधिकरणका सूचना अधिकारी ज्ञानेन्द्र भुलले विमानस्थलको दक्षिण–पश्चिमतर्फ समानान्तर ट्याक्सी वे र अन्य विस्तार कार्य जारी रहेको जानकारी दिए।
१८ चैतअघि नै विमानस्थल पूर्ण सञ्चालनमा आउन सक्ने अपेक्षा गरिएको छ। विमानस्थलको क्षमता वृद्धिका लागि करिब १५ अर्ब रुपैयाँ लागतको योजना अन्तर्गत काम भइरहेको छ, जसले वार्षिक यात्रु क्षमता सवा करोड पुर्याउने लक्ष्य राखिएको छ।
