कपिल लामिछाने दाङ मङ्सिर २७ स्थानिय सरकार आएदेखि बिभिन्न कामहरुमा सक्रिय देखिएका जनप्रतिनिधिहरुले अहिले गाउ गाउँमा बिकास निर्माणका कामहरुलाई तिब्र बनाउदै गईरहेका छन् । बिभिन्न समिति निर्माण गर्दै जनताहरुकाे दु:ख सुखकाे साथी बन्दै आईरहेकाे स्थानिय सरकारकाे अहिले खुलेर जय जयकार गर्न थालिएकाे छ । स्वच्छ सहर बनाउने सवालमा हाेस् अथवा अन्य गाउघरमा देखिएका समस्याहरु हुन सबै कुरालाई छलफल र सहकार्य गर्दै त्यसकाे समाधानका लागी अहिले स्थानिय सरकारहरु जुटेकाे देख्न सकिन्छ । हाम्राे तुलसीपुर राम्राे तुलसीपुरकाे नारा गुन्जिए सँगै तुलसीपुर उपमहानगरपालिका भित्र अहिले बिभिन्न किसिमका राम्रा कामहरु हुदैँ आईहेका छन् । पछिल्लाे पटक तुलसीपुर उपमहानगरपालिकाले तुलसीपुर उपमहानगरपालिका भित्र रहेका सबै पसलहरु दर्ता प्रकृयामा जान निर्देशन समेत दिएकाे थियाे । त्यहि अनुरुप तुलसीपुर उपमहानगरपालिका वडा नं १८ ले मंगलबार देखि लगातार बजार अनुगमनलाई तिब्र बनाएकाे छ । कुन-कुन पसलहरु कुन कुन मापदण्ड अनुसारले चलिरहेका छन् , दर्ता गरे अनुसारकाे सर-समानहरु बिक्रि बितरण भईरहेकाे छ कि छैन? नेपाल सरकारले बन्देज गरेका सामाग्रीहरु बिक्रि बितरण गरिएकाे छ वा छैन्? यी यावत कुराहरु अनुगमन भित्र परेका छन् । साथै बिजाैरी बजार वरिपरि रहेका घुम्तीहरु सबै हटाईएकाे छ र दर्ता नगरेरै सञ्चालन गरिएका पसलहरुलाई यहीँ मंसिर मसान्तसम्म दर्ता नगरे कारबाई समेत गरिने तुलसीपुर उपमहानगरपालिका वडा नं १८ का वडा अध्यक्ष माधव वलीले बताउनुभयाे । साथै बजार अनुगमनलाई अझै कडाईका साथ अघि बडाउदै सभ्य बजारकाे निर्माण गर्न छलफल भईरहेकाे भन्दै अब केहिदिन भित्रै यहाँ रहेका स्कुल हातादेखि सय मिटर वरिपरि सुर्तीजन्य पदार्थ र मादकपदार्थ बिक्रि वितरण भईरहेकाे पाईएमा कारबाई समेत गरिने प्रकृया अघि बडाउन थालेकाे उहाँले बताउनुभयाे । मंगलबार र बुधबार बिजाैरी बजार अनुगमन गरिसकिएकाे र बिहिबारबाट पुनः हेमन्तपुर, बेलझुण्डी, दुधरास हुदैँ गाउगाउमा अनुगमन भईरहेने वडा सचिव निर्मल रेग्मीले जानकारी दिनुभयाे । जनप्रतिनिधि,कर्मचारीहरु,नेपाल पुलिस, उद्याेग बाणिज्य संघ सबैकाे प्रत्यक्ष सहभागीतामा बजार अनुगमन भएकाे हाे । याे अनुगमन अझै साेमबार सम्म चल्ने तुलसीपुर उपमहानगरपालिका वडा नं १८ का वडा सदस्य धन बहादुर बस्नेतले बताउनुभयाे !

सम्बन्धित

उद्योग वाणिज्य महासंघको हरेक निर्वाचनमा नेपालगन्ज उद्योग वाणिज्य संघ अगाडि

युवायुवतीलाई साइबर ब्यूरोको अनुरोध म्यासेन्जरमा गोप्य भिडियो माग्ने कल आए प्रहरीलाई खबर गर्नु

डियुटिमा खटिएका ट्राफिक प्रहरीलाई घुस दिन खोज्ने ८ जना पक्राउ

लुम्बिनी प्रदेशको राजधानी देउखुरीमा पूर्वाधार विकास प्राधिकरणको कार्यालय स्थापना हुने

कर्मचारीमा कोरोना देखिए पछी राप्ती गाउँपालिका कार्यालय सँगै १ र ३ वडा कार्यालय सिल

सशस्त्र प्रहरीको ठुलो सफलता लागूऔंषध नाईट्रोभेट सहित २ जना पक्राउ