दाङ । तुल्सीपुर लुम्बिनी प्रदेशका प्रहरी प्रमुख डिआइजी दान बहादुर कार्कीले अपराध नियन्त्रणदेखी राजश्व चुहावट र दुर्घटना न्युनिकरणमा प्रहरी सक्रिय रुपमा लागिरहेको बताउनुभएको छ । लुम्बिनी प्रदेश प्रहरी प्रमुखको जिम्मेवारी समालेको करिब दुई महिनाको अवधीमा प्रदेश र प्रदेश मातहतका प्रहरी इकाईहरुले गरेका कार्य प्रगतिबारे आज पत्रकार सम्मेलनको आयोजना गरी सार्वजनिक गर्दै उहाँले यस्तो बताउनुभएको हो । सो अवसरमा गत माग महिनामा मात्रै ८७ हजार बढि सवारी साधन कारवाहीमा परेको उहाँले बताउनुभयो । चालु आर्थीक बर्ष २०८१/०८२ को माग महिनामा मात्रै ट्राफिक नियम उल्लंघन गर्ने ८७ हजार ९ सय २५ वटा सवारी साधन कारवाहीमा परेको उहाँले बताउनुभयो । जसबाट ९ करोड ३९ लाख ९४ हजार ५ सय २१ रुपैयाँ राजश्वसमेत संकलन भएको छ । सो अवसरमा उहाँले विगतको तुलनामा प्रदेशमा समग्रमा सवारी दुर्घटनामा कमि आएकोसमेत बताउनुभयो । उहाँका अनुसार प्रदेशमा माग महिनामा सबैभन्दा धेरै ३१७ वटा मोटरसाइकल दुर्घटना भएका छन् । दोस्रोमा ५१ वटा कार, ४६ वटा अटो, ३४ वटा साइकल, २० वटा बस, १६ वटा टिप्पर, १५ वटा ट्रक÷ट्यांकर, १० वटा ट्याक्टर र ४ वटा माइक्रो दुर्घटनामा परेका छन् ।
माग महिनामा भएका यी सवारी दुर्घटनामा परी ४२ जनाको मृत्यु भएको छ भने ५५१ जना घाइते भएका छन् । यसैगरी प्रदेशमा चालु आर्थीक बर्षको पुस र माग महिनामा ३५ नाल (लामो हतियार) भरुवा बन्दुक प्रहरीले बरामद गरेको छ भने ४ नाल छोटो हतियार, २७ राउण्ड गोली कठ्ठा र ९२६ थान छर्रा बरामद गरिएको छ । यस्तै चालु आर्थीक बर्षको माग महिनामा मात्रै प्रदेशका विभिन्न जिल्लामा गरेर ९८ जनाले आत्महत्या गरेका छन् । जसमा ८४ जनाले झुण्डिएर र १४ जनाले विष सेवन गरेर आत्महत्या गरेका छन् । चालु आर्थीक बर्षको पुष महिनामा प्रदेशभर ५८७ फरार अभियुक्तमध्य ४६९ जना पक्राउ परेका छन् भने माग महिनामा ७२९ फरार अभियुक्तमध्य ५६३ जना पक्राउ परेका छन् । यसैगरी पुष महिनामा ५३३ वटा अपराधका मुद्धा दर्ता भएकोमा माग महिनामा ५४६ वटा मुद्धा दर्ता भएको डिआइजी कार्कीले बताउनुभयो ।
यसैगरी पुस महिनामा लागुऔषधसम्बन्धि ५८ वटा मुद्धा दर्ता भएका छन भने माग महिनामा ५९ वटा मुद्धा दर्ता भएका छन् । यसैगरी पुस महिनामा हराएका ३०३ जना महिला बालबालिका तथा ज्येष्ठ नागरिकमध्य १५२ जना फेला परेका छन भने माग महिनामा ३३० जनामध्य १६५ जना फेला परेका छन् । पुस महिनामा फरार प्रतिबादी पक्राउ गरी फैसला कार्यान्वयन अन्र्तगत २७६ बर्ष, ८ महिना, १९ दिन कैद असुल गरिएको छ भने माग महिनामा २१२ बर्ष, २ महिना, २ दिन कैद असुल गरिएको डिआइजी कार्कीले बताउनुभयो । सोही अवधीमा समुदाय प्रहरी साझेदारी कार्यक्रम अन्र्तगत विभिन्न सचेतनामुलक कार्यक्रम पनि सञ्चालन गरिएको उहाँले बताउनुभयो । समग्रमा दुर्घटना न्युनिकरण, अपराध नियन्त्रण, राजश्व चुहावट नियन्त्रणलगाएतमा प्रहरीले सक्रिय रुपमा काम गरिहेको डिआइजी कार्कीले बताउनुभयो ।
