महेन्द्र सिंह (क्राईमबिट)
बर्दिया पुस ४ बर्दिया इलाका प्रहरी कार्यालय मोतिपुर बर्दियाका प्रहरी निरीक्षक ईन्द्रजित सुनार कार्यालय प्रमुखतर्फ मंसीर महीनाको ‘पुलिस अफ द मन्थ’बाट पुरस्कृत भएका छन्।
बिहिबार जिल्ला प्रहरी कार्यालय बर्दियामा आयोजित एक कार्यक्रममा प्रहरी निरीक्षक सुनारलाई बर्दिया जिल्ला प्रहरी प्रमुख, एसपी राजेशनाथ बाँस्तोलाले पुरस्कृत गरेका छन ।
अपराध अनुसन्धानमा तदारुकता, शान्ति सुरक्षा कायम, फरार अभियुक्त पक्राउलगायतका समग्र कार्यसम्पादनको आधारमा ‘पुलिस अफ द मन्थ’ चयन गरेर पुरस्कार प्रदान गर्ने गरिन्छ।
इन्सपेक्टर सुनारले गएको २३ साउनमा इप्रका मोतिपुरको प्रमुखको जिम्मेवारी सम्हालेका थिए। यसबीचमा इप्रका मोतिपुरले समुदाय–प्रहरी साझेदारी कार्यक्रम अन्तर्गत १०१ कार्यक्रमहरु पनि गर्दै आएको बर्दिया प्रहरी प्रमुख एसपी बास्तोलाले जानकारी दिए ।
