एबिसी सम्बादाता
रुकुम पुस ५ रुकुम (पूर्व) को सिस्ने गाउँपालिका ६ मा रहेको ढकालबारामा स्वास्थ्य चौकी निर्माणका लागि निःशुल्क जग्गादान गरिएको छ । स्वास्थ्य चौकी भवन निर्माणका लागि सिस्ने गाउँपालिका–६ निवासी ८० वर्षीय समाजसेवी चन्द्रबहादुर बुढाथोकी र धनबहादुर बुढाथोकीले पाँच–पाँच सय वर्गमिटर क्षेत्रफलको जग्गा निःशुल्क दान गर्नुभएको हो ।
सरकारको एक वडा एक स्वास्थ्य चौकी निर्माण गर्ने लक्ष्यसहित सिस्ने गाउँपालिका–६ मा स्थापना हुन लागेको स्वास्थ्य चौकी भवन निर्माणका लागि शुक्रबार आफ्नो नाममा रहेको जग्गा मालपोतमा गई स्वास्थ्य चौकीको नाममा पास गरिदिनुभएको हो । जग्गा पास गर्ने क्रममा ८० वर्षीय चन्द्रबहादुर बुढाथोकीले नागरिकले आफ्नै गाउँमा सहजरूपमा स्वास्थ्य सेवा लिन सकुन् र आफूले पनि समाजका लागि केही गर्न सकियोस् भन्ने हेतुका साथ निःशुल्क जग्गादान गरेको बताउनुभएको छ ।
दुवै जनाले रु १०÷१० लाख बराबरको पाँच–पाँच सय वर्गमिटर जग्गा निःशुल्क दान गरेको सिस्ने गाउँपालिकाले जनाएको छ । समाजका लागि केही सहयोग गर्न पाउँदा निकै खुशी भएको जग्गादाताहरु बताउनुहुन्छ । निःशुल्क जग्गा उपलब्ध भइसकेपछि लगत्तै स्वास्थ्य चौकी भवन निर्माणको काम शुरु गरिने गाउँपालिका अध्यक्ष कुमारी बरालले बताउनुभयो । गाउँपालिकाको जग्गादातालाई सम्मान गर्ने कार्यक्रम पनि रहेको उहाँले बताउनुभएको छ ।

सम्बन्धित

संविधान दिवसमा राष्ट्रिय नागरिक विकास समाजद्वारा आयोजित विशेष समारोह सम्पन्न

संविधान दिवसको अवसरमा दाङका दुई कारागारबाट १२ कैदीबन्दी रिहा

नेपाल प्रहरीमा क कसले पाए प्रबल जनसेवाश्री पदक

राष्ट्रपतिले संविधान दिवसमा ९०३ जनालाई मानपदवी र विभूषण प्रदान गरिँदै

नक्कली नोटसहित दुई जना भारतीय नागरिक पक्राउ

सुनको मुन्द्रा लोभमा हजुर आमाको हत्या गर्ने पापी नाति पक्राउ पछी सार्वजनिक