११ आषाढ २०८१, सोमबार
24-06-2024 , Mon
×

राजनीतिकि कारण रोकियो नेपाल प्रहरीको एसएसपीको बढुवा कोको छ्न लाईनमा नाम सहित

Logo
प्रकाशित मंगलबार, पुष ०८, २०७६

(सागर थापा) काठमाडौं ८ पुस सर्वोच्च अदालतले तीन महिना अगाडि नै नेपाल प्रहरीको रिक्त दरबन्दी खाली नराख्न आदेश दिए पनि त्यो कार्यान्वयन हुन सकेको छैन ।
नेपाल प्रहरीमा अझै केहि समय रिक्त दरबन्दी पूर्ति हुने देखिएको छैन । बरु रिक्त दरबन्दीमा आफूलाई पुर्याउन भित्रि रुपमा ‘लविङ’ को काम भने भइरहेको स्रोतले जानकारी दिएको छ । नेपाल प्रहरीमा प्रहरी वरिष्ठ उपरीक्षक (एसएसपी) दरबन्दी खाली भएको नौं महिना नाघिसकेको छ । प्रहरीमा बढुवा प्रक्रिया अघि नबढ्दा अबको चार दिनपछि यो संख्या नौं पुग्दैछ ।
गृह मन्त्रालय र प्रहरी प्रधान कार्यालय पनि एसएसपी बढुवा चासो दिएको छैन । यी दुवै निकाय निष्कृय रहँदा वरिष्ठ प्रहरीहरूको बढुवा रोकिएको स्रोतले बताएको छ । लुम्बिनी अन्तर्राष्ट्रिय विमानस्थल, प्रहरी प्रधान कार्यालयसहित अहिले ६ वटा प्रशासनिकतर्फका एसएसपीको दरबन्दी रिक्त छ । मंसिर ११ गते एसएसपी विभूतिराज पाण्डे र भोजजङ्ग शाहले ३० वर्षे सेवाअवधिका कारण अनिवार्य अवकास पाउँदै छन् ।
संगीत महाविद्यालयको एक प्राविधिक एसएसपी पद खाली रहेकाले जम्मा नौ दरबन्दी खाली छ । बढुवा प्रतिष्पर्धानमा २०५१ सालकै टोलीका प्रहरी उपरीक्षकहरू छन् । केदार ढकाल, कुबेर कडायत, सुदीप गिरी, विष्णु केसी, भरत बोहरा, दुर्गा सिंह, लालमणि आचार्य, किरण राना, रविन्द्र केसी, जनक भट्टराई, अर्जुनजंग ठकुरीलगायत लाइनमा छन् ।
त्यस्तै २०७२ सालमा एसपी बढुवा भएका अशोक सिंह, हृदय थापा, विकासराज खनाललगायत समेत एसएसपी बढुवाको प्रतिष्पर्धानमा छन् । गृह सचिव प्रेमकुमार राईको अध्यक्षतामा प्रहरी महानिरीक्षक सर्वेन्द्र खनाल, लोकसेवा आयोगसहितको बढुवा समिति छ ।
‘बढुवा प्रक्रिया अघि बढिरहेको छ, केही समय लाग्ला,’ प्रवक्ता विश्वराज पोखरेलले भने । आकांक्षीहरू बढी भएका कारण बढुवामा ‘चलखेल’ भइरहेको गृह स्रोतको दावी छ ।
खाली रहेको कम दरबन्दीमा बढुवाका लागि राजनीतिक शक्तिकेन्द्रको सिफारिस आउन थालेपछि रिक्त दरबन्दी समयमै पूर्ति हुन नसकेको स्रोत बताउँछ ।

कमेन्ट गर्नुहोस्
सम्बन्धित

ABC (क्राईमबिट) बाँके । जिल्ला कोहलपुर नगरपालिका वडा नं.४ बस्ने बर्ष ३२ को रामजान अली गुज्जर र वडा नम्बर ३ बस्ने बर्ष ४२ को नन्दलाल थारू रहेका छन् । बर्दिया बाँसगढी नगरपालिका वडा नं.९ स्थित अजय कटेजका संचालक जगराम थारुलाई हामी प्रहरी हौँ भनी पैसा माग गरेको कसूरमा उनीहरूलाई पक्राउ गरेको प्रहरीले जानकारी दिएको छ। […]

ABC (क्राईमबिट) काठमाडौं । संयुक्त राष्ट्र संघको मुख्यालय न्यूयोर्कमा मिति २०८१।०३।१२ गतेदेखि १३ गते (तदनुसार 26-27 June 2024) सम्म आयोजना हुने “Fourth United Nations Chiefs of Police Summit (UNCOPS)” विषयक कार्यक्रममा सहभागी हुन श्रीमान् गृह सचिव एकनारायण अर्याल श्रीमान् प्रहरी महानिरीक्षक बसन्त बहादुर कुँवर लगायत गृह मन्त्रालय तथा सुरक्षा निकायका वरिष्ठ पदाधिकारिहरू त्यसतर्फ प्रस्थान गर्नुभएको […]

ABC (क्राईमबिट) बाँके । नेपालगंज उपमहानगरपालिका वडा नं.१ धम्बोजी शिवमन्दिर नजिक यस वडा प्रहरी कार्यालय नेपालगंज बाँकेबाट खटिएको प्रहरी टोलिले भारतबाट नेपालमा भन्सार छलि चोरी पैठारी गरी अबैध रूपमा ल्याईएका सामानहरु जम्मा अन्दाजी मूल्य रु.१,६१,८००।-(एक लाख एकसठ्ठी हजार आठ सय) बराबरको फेला पारी आवश्यक कारवाहीको लागी नेपालगंज भन्सार कार्यालय बाँकेमा पठाईएको वडा प्रहरी कार्यालय नेपालगन्जले […]