०३ बैशाख २०८१, सोमबार
15-04-2024 , Mon
×

नेपाल प्रहरी मुख्यालयद्वारा एसएसपी हरुको सरुवा तयारी

Logo
प्रकाशित मंगलबार, पुष १५, २०७६

सागर थापा (क्राईमबिट)
काठमाडौं पुस १५ नेपाल प्रहरीको महानिरीक्षक सर्वेन्द्र खानलालले आफू जाँदा जादै प्रहरी अधिकृतको जिम्मेवार हेरफेरका लागि लागेका छन् । उनले केही समयअघि एसपीको सरुवा गरेका थिए । नेपाल प्रहरीभित्र अहिले सरुवा गर्ने कुरा हलचल नै ल्याएको छ । यसरी सरुवा हुन चाहनेहरुले विभिन्न शक्तिकेन्द्र धाउन थालेको विषयले प्रहरी मुख्यालय तताएको छ ।
यसैबिच गृहमन्त्रालयले नेपाल प्रहरीका केही प्रहरी वरिष्ठ उपरीक्षक (एसएसपी) हरुको जिम्मेवारी परिवर्तनको तयारी थालेको छ । प्रहरी महानिरीक्षक (आइजीपी) खनालको सिफारिसमा गृहमन्त्रालयले केहिदिनमै एसएसपीहरुको सरुवा गर्ने तयारी थालेको उच्च स्रोतले जानकारी दियो ।
उच्च स्रोतका अनुसार काठमाडौं प्रहरी प्रमुख प्रहरी वरिष्ठ उपरीक्षक (एसएसपी) उत्तमराज सुवेदीले आफुलाई काम गर्न असजिलो भएको भन्दै सरुवा मागेका छन् । सुवेदीले आफ्नो सरुवा गरिदिन भन्दै गृहमन्त्रालयका केही उच्च अधिकारीलाई गुनासो गरेपछि एसएसपी सरुवाको गृहकार्य शुरु भएको हो ।
एसएसपी सुवेदीसंगै महानगरीय अपराध महाशाखाका प्रमुख एसएसपी सहकुलबहादुर थापा समेत अबको करिब दुई महिनामा डीआईजीमा बढुवा हुने भएकोले महानगरीय प्रहरी परिसर काठमाडौं र महानगरीय अपराध महाशाखाको नेतृत्व परिवर्तनको लागि गृहकार्य भईरहेको उच्च स्रोतले जानकारी दिएको छ ।
प्रहरी महानिरीक्षक (आइजीपी) सर्वेन्द्र खनालले काठमाडौं प्रहरी प्रमुखमा एसएसपी दीपक थापा र महानगरीय अपराध महाशाखाको प्रमुखमा एसएसपी उमेशराज जोशीलाई पठाउने तयारी गरेका छन् । एसएसपी थापा अहिले प्रहरी प्रधान कार्यालयको आर्थिक प्रशासन महाशाखाको प्रमुख छन् भने एसएसपी जोशी प्रहरी महानिरीक्षकको सचिवालयमा नेपाल प्रहरीको सह-प्रवक्ताको जिम्मेवारीमा छन् । थापा र जोशी दुबैजना व्यावसायिक प्रहरी अधिकृतको रुपमा परिचित छन् ।
एसएसपी भोजजंग शाहले अवकाश पाएपछी संघीय प्रहरी इकाई कार्यालय बागमती (काभ्रे) र बिभुतीराज पाण्डेले अवकाश पाएपछि प्रहरी प्रधान कार्यालयको युएन महाशाखा पनि नेतृत्वबिहिन छ । उता व्यावसायिक आचारसंहिता बिपरित काम गरेको उजुरी परेपछि संघीय प्रहरी इकाई कार्यालय गण्डकी (पोखरा) कि एसएसपी पुजा सिंह र संघीय प्रहरी इकाई कार्यालय धरानका एसएसपी शौरभ राणालाई जिम्मेवारीबाट हटाउने बिषयमा गृह मन्त्रालयमा छलफल भएको बुझिएको छ ।
केन्द्रीय अनुसन्धान ब्यूरो (सीआईबी) को नेतृत्वमा पठाउने डीआईजी नपाएपछि एकबर्षे कार्यकाल पूरा गरिसकेर पनि डीआईजी निरज शाहीको सरुवा हुन सकेको छैन ।
डीआईजी नपाएपछी सिनियर एसएसपी मध्येबाट एकजनालाई निमित्त इन्चार्जको जिम्मेवारी दिएर सीआईबी पठाउने तयारी थालिएको छ । त्यसो हुँदा सीआईबीमा कार्यरत एसएसपी रामदत्त जोशीलाई त्यहाँबाट हटाएर अन्य कार्यालयमा पठाउने बिषयमा समेत छलफल भएको प्रहरी प्रधान कार्यालय स्रोतको दावी छ ।

कमेन्ट गर्नुहोस्
सम्बन्धित

      (धर्मेन्द्र कुमार कुर्मी ) कपिलवस्तुकाे विजयनगर गाउँपालिकामा जग्गा दाताहरुलाई शिला लेखसहित सम्मान गरिएको छ । गाउँपालिकाकाे ७ नम्बर वडा कार्यालय गणेशपुरले जग्गा दाताहरुलाई शिला लेखसहित सम्मान-पत्रले सम्मान गरेकाे छ । गाउँपालिका अध्यक्ष गाेपाल बहादुर थापाले बिहिबार एक कार्यक्रमबीच जग्गा दाताहरुलाई सम्मान-पत्रले सम्मान गरेका हुन् । यसैबीच वडाकाे डिजिटल बाेर्ड र नवनिर्मित वडा […]

(एबिसि संचार )                                                                सिन्धुलीको कमलामाई नगरपालिका–४ स्थित एनसेल टावरमा बम विष्फोट भएको छ । गएराति १ बजेतिर टावरमा प्रेशर कुकर बम विष्फोट भएको जिल्ला […]

(एबिसि संचार ) पोखरा महानागरपलिकाकी सबइन्जिनियरसहित दुई जना जनासेवाग्रहीसँग घुस लिँदालिँदै रंगेहात पक्राउ परेका छन् । पोखरा महानगरपालिकाको नक्सा शाखामा कार्यरत सबइन्जिनियर उषा किरण रोकाया र गोदार कन्सल्टेन्सीमा कार्यरत सुरज कुँवरलाई सेवाग्रहीसँग घुस लिएको आरोपमा अख्तियार दुरुपयोग अनुसन्धान आयोगको गण्डकी प्रदेश कार्यालय पोखराबाट खटिएको टोलीले घुस रकमसहित पक्राउ गरेको हो । उनीहरुको साथबाट डेढ लाख […]