प्रकशित मिति : १९ पुष २०७६, शनिबार १५:०४

सागर थापा
काठमाडौं पुस १९ उपभोक्ता ठगी गरेको आरोपमा महानगरीय अपराध महाशाखा काठमाडौंले एक जना ब्यापारीलाई पक्राउ गरेको छ।
अपराध महाशाखाले ठगी गरेको आरोपमा महेन्द्र सारडालाई पक्राउ गरेको हो। उनलाई थापाथली स्थित कार्यालयबाट शुक्रवार पक्राउ गरिएको हो।
काठमाडौं अपराध महाशाखा टेकुका प्रहरी प्रमुख एसएसपी शहकुल थापाका अनुसार इलेक्ट्रोनिक्स केबुलको परिमाण भन्दा कम लम्बाई राखेर समान बिक्रि वितरण गरेको आरोपमा सारडालाई पक्राउ गरिएको हो। उनको थापाथली स्थित अधिकृत बिक्रेताको कार्यालयमा समेत प्रहरीले सिलबन्दी गरेको छ।
एसएसपी शहकुल बहादुर थापा
” एक रोलमा एक सय मिटर हुनुपर्नेमा कम्पनी बाट ५ देखि २० मिटरसम्म कम परिमाण राखेर प्याकेट तयार गरेको पाइयो,” एसएसपी थापाले भने। हामिलाई केही उजुरी आएका थिए, त्यसको अनुसन्धान गर्दा शुक्रवार सारडालाई पक्राउ गरिएको थापाले बताए।
प्रहरीले स्याम्पलको रुपमा अधिकृत बिक्रेताको कार्यालयबाट ६ थान प्याकेट समेत रोल समेत बरामद गरेको छ।सारडा मोरङको टंकीसिनुबारी स्थित पायोनियर इलेक्ट्रेकका सन्चालक हुन् ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2020 AbcSanchar.com