भारतमा तस्करी गर्न लुकाएर राखेको १९ क्विन्टल छोहडा पक्राउ

प्रकशित मिति : २२ पुष २०७६, मंगलवार २२:२८

पर्सा-भारततर्फ तस्करी गर्न लुकाइ राखिएको ठूलो परिमाणको अवैध छोहडा प्रहरीले बाराको सिम्रोनगढबाट बरामद गरेको छ।
प्रहरीले भारततर्फ तस्करीको लागि लुकाएर राखिएको ३८ बोरामा रहेको १९ क्विलेल छोहडा बेवारिसे अवस्थामा फेलापारी वरामद गरेको हो।
जिल्ला प्रहरी कार्यालय बारा र इलाका प्रहरी कार्यालय सिम्रौनगढ बाराबाट खटिएको संयुक्त प्रहरी टोलीले सिम्रोनगढ नगरपालिका वडा नम्बर २ स्थित खानेपानी ट्याङकीको प्राङ्गणमा लुकाएर राखिएको उक्त परिमाणको अवैध छोहडा बरामद गरेको हो।
बरामद गरिएको छोहडाको बजार मुल्य ३ लाख ८० हजार बराबरको रहेको बाराका प्रहरी प्रवक्ता गौतम मिश्रले जानकारी दिए।
वरामद अवैध छोहडालाई आवश्यक कारवाहीको लागि मुल भन्सार कार्यालय बिरगञ्ज पर्सामा पठाइएको मिश्रले बताए।

प्रकशित मिति : २२ पुष २०७६, मंगलवार २२:२८