कञ्चनपुर : कञ्चनपुरको शुक्लाफाँटा नगरपालिका-११ का वडा अध्यक्ष दिलबहादुर बुढामाथि मंगलबार हातपात भएको छ।
छाडा गाईगोरु व्यवस्थापनको खर्चबारे विवाद हुँदा बुढामाथि कुटपिट गरेको वडा कार्यालयका कर्मचारीले बताए। वडा कार्यालयमा रहेका वडा अध्यक्ष बुढामाथि अग्नि विष्ट र उनका छोरा लोकेन्द्र विष्टले कुटपिट गरेका हुन्।
२०७४ सालमा १५ दिनका लागि विष्टलाई नगरपालिकाले छाडा गाई व्यवस्थापनको जिम्मा दिएको थियो। गाई जिम्म दिएबापत विष्टलाई नगरपालिको दुई लाख ६० हजार रकम भुक्तानी गरेको थियो। गाई व्यवस्थापनको अझै दुई लाख रुपैयाँ रकम बाँकी रहेको भन्दै मदिरा सेवन गरी बुवाछोराले विवाद गरी कुटपिट गरेको वडा अध्यक्ष बुढाले बताए।
‘सम्झौताभन्दा बढी रकम विष्टले बुझेर लगेका छन्’ अध्यक्ष बुढाले भने, ‘भुक्तानी पाइसके पनि छाडा गाई व्यवस्थापनमा खटिएका कामदारलाई रकम नदिई खर्च गरेका छन्। उल्टै अझै रकम पाउनु पर्ने भनी बखेडा झिकेर कुटपिटमा उत्रिए।’
‘रकम भुक्तानीबारे नगरपालिकासँग सम्झौता गरिएको छ। त्यहि गएर बुझ्नोस्, पाउनु पर्ने भए नगरपालिको देला पनि भनेँ। तर गालीगलौज गर्दै ममाथि नै कुटपिट गरे’ उनले थपे।
नगरपालिकका नगर प्रमुख दिलबहादुर ऐरले कार्य कक्षमै रहेका जनप्रतिनिधिमाथि कुटपिट गर्ने कार्य कदापी पनि सैह्य नहुने बताए। ‘पाउनु पर्ने रकम भए पनि नगरपालिकासँग बुझे हुन्थ्यो’, उनले भने ‘मदिरा सेवन गरेर जनताको सेवामा खटिएका जनप्रतिनिधिमाथि कुटपिट गर्नेहरूमाथि कानुनी कार्वाही हुन्छ।’
वडा अध्यक्ष बुढालाई कुटपिट गर्ने बुवाछोरा दुवैलाई इलाका प्रहरी कार्यालय झलारीले पक्राउ गरेको छ। बुवाछोरा अहिले इप्रका झलारीको हिरासतमा रहेका प्रहरीले जनाएको छ।

सम्बन्धित

मुख्यमन्त्री पोखरेलविरुद्ध फेरि अविश्वासको प्रस्ताव दर्ता

दाङ प्रहरीले लकडाउन उल्लंघन गर्ने ४३६ जना ब्यक्ती कार्वाही

राजीनामा दिँदै नेपाल र खनाल पक्षका सबै सांसदहरु

खानेतेलको मूल्य ८० प्रतिशतसम्म बढाइयो जनता मारमा

बर्दिया प्रहरीले शनिबार निषेधाज्ञा अवज्ञा गर्ने ७० जनालाई कार्वाही

लकडाउनको मौका छोपि सितगंगामा ठेकेदारलाई चुरे दोहनको अनुमती दियो ?