सिन्धुली पुस २३ मरिण गाउँपालिका-३ मथौलीको वडा कार्यालयमा प्रेसर कुकर बम भेटिएको छ। बुधबार दिउँसो कार्यालय सरसफाई गर्नेक्रममा कर्मचारीले बम फेला पारेका हुन्।
वडा अध्यक्षको कार्यकक्षलाई लक्षित गरी वडा कार्यालयको पछाडीपट्टी भित्तामा बम फेला परेको वडाध्यक्ष प्रवक्ता प्रख्यात मोक्तानले जानकारी दिए। ‘मेरो कार्यकक्षमै जोडेर कार्यालयको बाहिरपट्टी भित्तामा बम राखिएको छ। हामीले दिउँसो मात्र थाहा पाएका हौं,’ उनले भने।
बम तीन लिटरको जस्तो देखिने प्रेसर कुकरमा राखिएको छ। त्यहाँ एउटा मोबाइलसमेत फिट गरिएको र मोबाइल र कुकरबीचमा तारहरु जोडिएको देखिएको मोक्तानले बताए। अहिले बम राखिएको ठाउँमा इलाका प्रहरी कार्यालय कपिलाकोटबाट प्रहरी निरिक्षकको टोली पुगेको छ । जिल्ला प्रहरी कार्यालयमा समेत बम भेटिएको बारेमा जानकारी गराइएको उनको भनाई छ। बम डिस्पोज गर्न रातीको समयमा कठिन हुने भएपछि जिल्लाबाट नेपाली सेनाको टोली बिहीबार बिहान मात्र आइपुग्ने जानकारी पाएको वडाध्यक्ष मोक्तानले बताए।

सम्बन्धित

डीआईजी सरुवा अझै एक हप्ता लाग्ने प्रदेश र सीआईबी जान दौडधुप जारी

बाँकेमा लकडाउन असार ७ गतेसम्म नामको मात्र लकडाउन सिडियो मौन

कञ्चनपुरमा ११ वर्षीया बालिकामाथि बलात्कार गरेको आरोपमा एकजना पक्राउ

बाँकेको फत्तेपुरमा प्रहरीको आफ्नै नयाँ भवनको उद्घाटन एवं हस्तान्तरण

देशैभर भीषण वर्षाको सम्भावना सतर्कता अपनाउन आग्रह

साविकका गाविस सचिवहरु विरुद्ध लाखौंको भ्रष्टाचार मुद्दा