सागर थापा (क्राईमबिट)
काठमाडौं पुस २५ नेपाल प्रहरीका डिआईजी महेशबिक्रम शाहले अवकाश पाएका छन् । ३० वर्षे सेवाहदका कारण उनले अवकाश पाएका हुन् ।
इन्सपेक्टरमा भर्ना हुुनुभन्दा डेढ महिनाअघि सिपाहीमा भर्ना भएकाले उनको अवकाश पाएका हुन् । उनी पछिल्लो सयम सुरक्षा परिषद्मा कार्यरत थिए ।
डिआईजीको एक पद रिक्त भएपछि त्यसमा बढुवाको दौडधुप सुरु भएको छ । जसमा ब्याचका सिनियरदेखि जुनियरसम्म लागेका छन् । सिनियरहरुमा घनश्याम अर्याल, ईश्वरबाबु कार्की, प्रकाशजंग कार्की लगायत छन् । त्यस्तै जुनियर ब्याचका उत्तम सुवेदी, धीरजप्रताप सिंह, बसन्त लामा लगायत पनि प्रतिस्पर्धामा छन् । जुनियर ब्याचका विश्वराज पोखरेल डिआईजीमा बढुवा भइसकेका छन् । त्यसकारण बढुवामा सिनियर र जुनियरको मापदण्ड हटेकाले जो पनि पावरका आधारमा बढुवा हुने अवस्था छ । यसले बढुवामा अस्वस्थ्य प्रतिस्पर्धा बढाएको छ । आगामी २९ माघबाट मात्र प्रहरीमा डिआईजीका २१ पद रिक्त हुनेछन् । प्रहरी महानिरीक्षकसहित २५ जना उच्च अधिकारीले त्यसबेला अवकाश पाउँदैछन् । त्यसपछिका आईजिपीका रुपमा ठाकुर ज्ञवालीलाई हेरिएको छ । अर्का डिआईजी तारिणी लम्साल पनि प्रतिस्पर्धामा छन् ।
