सागर थापा बर्दिया पुस २६ प्रहरी महानिरीक्षक सर्वेन्द्र खनालले समुदाय प्रहरी साझेदारी अवधारणाको कार्यान्वयनमा मधुवन नगरपालिकाको सहभागिता, सहकार्य र साझेदारीको प्रशंसा गरेका छन्। समुदाय प्रहरी साझेदारीले आम नागरिकहरूमा प्रहरी र स्थानीय सरकार प्रति विश्वास र सुशासनको भरोसा अभिवृद्धि गर्न सफल भएकोले जिउ धनको सुरक्षा लगायतका सुशासनको भरोशा अभिबृद्दी गर्न नगरपालिका सफल भएकोले नेपाल प्रहरी प्रधान कार्यालय नक्साल काठमान्डौबाट प्रहरी महानिरीक्षक सर्वेन्द्र खनालले बर्दियाका आठवटै स्थानीय तहलाई प्रशंसा पत्र पठाएका हुन् ।
शान्तिपूर्ण र सुरक्षित समाजको लक्ष्य का साथ प्रादुर्भाव भएको समुदाय प्रहरी साझेदारी अवधारणा अन्तर्गत समुदाय प्रहरी साझेदारीका समितिहरू निर्माण तथा समुदाय तथा समुदाय र विद्यालय कार्यक्रमहरूको कार्यान्वयन मा ६ नगरपालिका र २ गाउँपालिका अग्रसरता रहेको भन्दै प्रशंसित भएका हुन । प्रहरी प्रधान कार्यालयबाट प्रहरी महानिरीक्षक सर्वेन्द्र खनालबाट मधुवन नगरपालिकालाई प्राप्त प्रसंशा पत्र पुस २५ गते हस्तान्तरण गरिएको छ ।
मधुवन नगरपालिका कार्यालय सानोश्री पुगी जिल्ला प्रहरी कार्यालय बर्दियाका प्रमुख प्रहरी उपरीक्षक राजेशनाथ बास्तोलाले नगरप्रमुख गणेश बहादुर क्षेत्रीलाई सो प्रशंसा-पत्र प्रदान गरेका हुन्। प्रहरी महानिरीक्षक ज्यूले समुदाय-प्रहरी साझेदारी” को माध्यमबाट नेपाल प्रहरी र मधुवन न.पा. बिचको सम्बन्ध भावी दिनहरुमा अझ प्रगाढ र प्रभावकारी बन्ने शुभेच्छा सहित साझेदारीको दिगो र दीर्घकालीन विकासमा थप सक्रियता र सृजनशील भूमिकाको अपेक्षा समेत गरेको प्रहरी उपरिक्षक बास्तोलाले बताए ।
प्रसंशा पत्र हस्तान्तरण कार्यकम मा जन प्रतिनिधि, कर्मचारी, सर्वसाधारण, समुदायको अगुवा लगायतको उपस्थिति रहेको जिल्ला प्रहरी कार्यालय बर्दियाका प्रहरी प्रमुख एसपी बास्तोलाले बताए।

सम्बन्धित

झापाको सामुदायिक वनभित्र मृत हात्ती फेला

दाङमा कात्तिक १६ देखि विद्यालयहरु खोल्ने

लुम्बिनी प्रदेशको राजधानी भालुवाङमा हिउँदे अधिवेशन गर्ने प्रदेश सरकारको तयारी

महावीर राष्ट्रिय आविष्कार केन्द्रलाई डा.योगीद्वारा नगद २५ हजार सहयोग

पर्सा प्रहरीले अवैध हजारौं चल्लासहित ट्रक र मोटरसाइकल पक्राउ

तुल्सीपुर डिएसपी सिंहको सफलता सखुट्टा काट्ने दुईजनालाई पक्राउ