(महेन्द्र सिंह)
बाँके पुस २६ नेपालगन्जमा एउटा बिओपी (बोर्डर आउट पोस्ट) थपिएको छ। योसँगै जिल्लामा बिओपीको संख्या ६ पुगेको छ। सरकारले देशभर १ सय १४ वटा बिओपी थप गर्ने निर्णय गरेकोमा बाँकेमा पनि ५ वटा बिओपी थप्न लागिएको हो।
यसै क्रममा नेपालगञ्ज उपमहानगरपालिका वडा नम्बर १६ जयसपुरमा बिओपी स्थापना गरिएको सशस्त्र प्रहरी बल नेपाल नम्बर ३० गण बागेश्वरी बाँकेका गणपति सशस्त्र प्रहरी उपरीक्षक दीपक अधिकारीले दिए।
सशस्त्र प्रहरी बल नेपाल ५ नम्बर प्रदेश विन्देवासिनी बाहिनी मुख्यालय रुपन्देहीका बाहिनीपति सशस्त्र प्रहरी नायब महानिरीक्षक नारायणदत्त पौडेलले एक कार्यक्रमका बीच जयसपुर बिओपीको उद्घाटन गरे।
सशस्त्र प्रहरी नायब महानिरीक्षक पौडेलले नयाँ थपिने बिओपीहरुले सीमा सुरक्षा, अपराध तथा तस्करी नियन्त्रणमा अझ प्रभावकारी भूमिका खेल्ने बताए। उनले जनताबाट गुनासो नभइ प्रशंसा आउने गरी काम गर्न मातहतका प्रहरी अधिकारी तथा जवानहरुलाई निर्देशन दिए।
प्रमुख जिल्ला अधिकारी कुमारबहादुर खड्काले जयसपुर बिओपी थपिएसँगै अवैध निकासी पैठारी नियन्त्रणमा सहयोग पुग्ने विश्वास व्यक्त गरे। सशस्त्र प्रहरी उपरीक्षक अधिकारीले भन्सार कार्यालय नेपालगञ्जको जग्गामा बिओपी स्थापना गर्न सहयोग गर्ने सबैप्रति आभार प्रकट गरे।
कार्यक्रममा भैरवप्रसाद गणका गणपति प्रमुख सेनानी नकुल थापा, जिल्ला प्रहरी कार्यालय बाँकेका प्रमुख एसपी वीरबहादुर ओली लगायत उपस्थित थिए।

सम्बन्धित

पुर्व मन्त्री दिपक गिरीलाई दाङमा भब्य स्वागत

पुर्व प्रधानमन्त्री झलनाथ खनालको उपचार खर्च सरकारले दूतावास मार्फत दिने

राष्ट्रपतिलाई महाअभियोग लगाएर देखाउन महेश बस्नेतको चुनौती

बर्दियामा नुहाउन गएका ३ जना बेपत्ता खोजतलास जारी

काठमाडौं बल्खुमा ट्राफिकको नयाँ भवनको शिलान्यास गर्दै ट्राफिक प्रमुख :भट्टराई

ब्राउन सुगर सहित सलमान खान, पक्राउ