(सागर थापा/महेन्द्र सिंह) बाँके ट्राफिक प्रमुख भएर सफल काम गर्न सफल प्रहरी निरीक्षक हिरेन्द्र रोकायाले धनुषा सरुवा भएको सात दिनमै प्रहरी संगठनकै नाम उच्च राख्न सफल भएका छन् ।
स्वचालित पेस्तोलसहित प्रहरी निरीक्षक रोकयाको कमान्डको टोलीले दुई जनालाई पक्राउ गर्न सफल भएको छ। पक्राउ पर्नेमा जनकनन्दनी गाउँपालिका ५ का दुईभाई २६ बर्षिय दिनेश कुमार महतो र १९ बर्षिय शुभकेश महतो रहेको प्रहरी निरीक्षक रोकायाले बताए।
‘मंगलबार बिहान १ बजेको समयमा जनकनन्दनी गाउँपालिका ५ स्थित हरि महतो घर अगाडी केही ब्यक्तिहरुले पेस्तोल पडकाउदै हिडेेको खबर हामीलाई पुग्ना साथ हाम्रो टोली त्यस तर्फ प्रस्थान गर्दा सोही हरि महतोकै छोराहरुले पेस्तोल पडकाएको जानकारी पाएको’ रोकायाले बताए।
प्रहरी निरीक्षक रोकायाका अनुसार प्रहरी आएको खबर पाएर दिनेश र शुभकेश फरार रहेपनि उनीहरु दुबै जनालाई मंगलबार दिउँसो प्रहरीको टोलीले नियन्त्रणमा लिन सफल भएको थियो। नियन्त्रणमा लिएर उनिहरुसगको अनुसन्धान पश्चात् निजहरुको घर भन्दा ५०० मिटर पुर्व माटो र खरानीले छोपेर लुकाइराखेको अवस्थामा नाम नखुलेको एक थान पेस्तोल स्थानियहरुको रोबहरमा बरामद गरिएको रोकायाले बताए।
कम बोल्ने तर काम धेरै गर्ने युवा जोशले भरीभराउ भएका प्रहरी निरीक्षक रोकाय अपराध पुर्ण रुपमा निर्मुल होस् भन्ने प्रहरी अधिकृत हुन्। ‘म कुनै पनि अपराधी र कानुन मिच्ने जो कोहिलाई पनि छोडदैन् र त्यस्तालाई कानुनी दायरामा ल्याएर कारबाहीमा गराउँछु,’रोकायले बताए
