(एबिसी सम्बादाता)
काठमाडौं नेपाल प्रहरीले गत आईतबार जोरपाटी आसपास क्षेत्रलाई आधार बनाई गुण्डागर्दीमा संलग्न रहँदै आएका विष्णु लामालाई ईन्काउन्टर गर्दै पक्राउ गर्यो । अहिले पनि यो घटना प्रहरी मुख्यालयमा चर्चाको विषय बनेको छ । चर्चाको विषय बन्नुको कारण हो – यो घटना घट्दासम्म न त महानगरीय प्रहरीका आयुक्तको कार्यालय रानीपोखरीका डिआईजी विश्वराज पोखरेललाई जानकारी न त महानगरीय प्रहरी परिसर काठमाडौका प्रमुख एसएसपी उत्तमराज सुवेदीलाई नै थाहा थियो ।
यससम्बन्धी योजना काठमाडौं प्रमुख र भ्याली प्रमुखले थाहा नपाउनु वा नदिईएको विषयले मुख्यालयमा चर्चा पाएको हो । श्रोतका अनुसार ईन्काउन्टरमा वस्ताज मानिएका प्रहरी महानिरीक्षक (आईजीपी) सर्वेन्द्र खनालको प्रत्यक्ष निर्देशनमा बाघको डमरुजस्ता महानगरीय प्रहरी वृत्त बौद्धका प्रमुख डिएसपी रमेशबहादुर सिंह नेतृत्वको टोलीले योजना बनाउँदै लामालाई पक्राउ गरेको थियो । योजना धेरैसँग शेयर गर्दा कुरा बाहिर जान सक्ने भन्दै गुप्त योजनाका साथ भएको यो ईन्काउन्टर घटनाले प्रहरी संगठनभित्र नयाँ तरंग ल्याएको छ भने मेट्रो वान कलसाईनका डीआईजी पोखरेल र किलोवान कलसाईनका एसएसपी सुवेदीमाथि पनि नैतिक प्रश्न उब्जिएको छ ।
गुण्डागर्दी पृष्ठभूमिका लामालाई प्रहरी सहायक निरीक्षक (असई) को कमाण्डमा गएको टोलीले जम्बुडाडामा ईन्काउन्टर गरी पक्राउ गरेको थियो ।
जोरपाटी आसपासको क्षेत्रलाई आधार बताएर चन्दा, धाक–धम्की जस्ता अपराधिक क्रियाकलापमा संलग्न हुँदै आएका गुण्डा नाईके लामामाथि दुई व्यक्तिलाई हत्या गरेको आरोप समेत लागेको छ उनले बौद्ध क्षेत्रमै एक १५ वर्षीय किशोरलाई चिरपट प्रहार गरी हत्या गरेको आरोप छ भने अर्का १७ महिने बालिकालाई सिन्धुपाल्चोकमा मारेको आरोप पनि लाग्दै आएको छ । उनीमाथि अर्का एक व्यक्तिलाई खुकुरी प्रहार गरेको मुद्धा समेत रहेको छ । ईन्काउन्टरमा घाईते लामाको अहिले ट्रमा सेन्टरमा उपचार भईरहेको छ ।

सम्बन्धित

प्रहरीद्वारा एक थान मेड इन इटाली पेस्तोल बरामद

बर्दियामा बाघको आक्रमणबाट दुईजनाको मृत्यु

काठमाडौंमा विद्युतीय ट्याक्सी गुड्ने सुन्दर यातायातले थाल्यो तयारी

तुलसीपुर घटनाको अनुसन्धान ३५ जनालाई नियन्त्रणमा अनसन्धान जारी

बाँकेका सिडियो कुरुम्वाङ्लाई कोराना रुघोखोकी र ज्वरोको लक्षण

दशैको दोस्रो दिन मान्यजनबाट टिका थाप्नेहरुको चहलपहल सुरु