सागर थापा (क्राईमबिट) जिल्ला प्रहरी कार्यालय सल्यानले अनुमति नलिई सञ्चालन भइरहेका अटोरिक्सालाई नियन्त्रणमा लिएको छ ।
सल्यानमा एक वर्षदेखि अटोरिक्सा चलिरहेका छन् । धेरैजसो अटोरिक्सा चालक अनुमतिपत्र नभई चलाइराखेकाले नियन्त्रणमा लिइएको जिल्ला प्रहरी कार्यालय सल्यानका प्रहरी प्रमुख डिएसपी ढकेन्द्र खतिवडाले बताए । अहिले सल्यान जिल्लामा ७५ वटा अटोरिक्सा सञ्चालनमा छन् ।
जसमध्ये ३५ वटा अटोरिक्सा सञ्चालकको चालक अनुमतिपत्र छैन । तिनैमध्ये २४ वटा अटोरिक्सा नियन्त्रणमा लिएको डिएसपी खतिवडाले बताए । सडक दुर्घटना न्यूनीकरणका लागि अनुमतिपत्र नलिएका अटोरिक्सा नियन्त्रणमा लिएको प्रहरी निरीक्षक लक्ष्मणले जानकारी दिएका छ्न ।
