काठमाडौं । घटनाकै कारण बाराका एसपी सन्तोष तामाङलाई प्रहरी प्रधान कार्यालयमा तानेको हो । उनको स्थानमा अब मानव बेचबिखन ब्यूरोमा कार्यरत एसपी नरेन्द्र कुँवरलाई खटाइएको छ ।
यससँगै अन्य जिल्लामा समेत प्रहरी सरुवा भएको छ । धादिङका एसपी भेषराज रिजाललाई मधेश प्रदेश कार्यालयमा पठाइएको छ भने धादिङमा एसपी सुमित खड्काको सरुवा गरिएको छ ।
एसपी खड्का विगतमा दरबारमार्ग र गौशाला वृत्तमा कार्यरत रहँदा घुसकाण्डमा मुछिँदै बदनाम पृष्ठभूमिका अधिकृतका रूपमा चिनिन्छन् ।
धादिङमा सरुवा भएका एसपी खड्का डा. बाबुराम भट्टराई प्रधानमन्त्री हुँदा उनका पीएसओ थिए । खड्का भट्टराईको सिफारिसमा धादिङमा सरुवा भएको स्रोत बताउँछ ।
