(सागर थापा)
दाङ माघ ८ जिल्ला ट्राफिक प्रहरी कार्यालय दाङले घोराही बजारमा अब्यबस्थित समान राख्दा र पार्किङ गर्दा सडक दुर्घटना बढेको भन्दै सडक पेटीसम्म सामान राखेर ब्यापार ब्यबसाय गर्नेहरुको सामान हटाउन सुरु गरिएको छ । जिल्ला ट्राफिक प्रहरी कार्यालय दाङ वडा प्रहरी कार्यालय घोराही घोराही उपमहानगरपालिका नगर प्रहरी लागाएतको सयुक्त सहयोगमा सडक पेटी तथा नाला मिचेर ब्यबसाय गर्ने ब्यबसायिकहरुको समान हटाउन अभियान सुरु गरिएको छ ।
दाङ घोराही बजारको मुख्य सडक तुलसीपुर चोकदेखि ट्राफिक चोक सम्म समान हटाइएको हो । सडक तथा नालासमेत मिचेर समान राख्दा बजारको ट्राफिकमा समस्या आएको भन्दै सामान हटाउन अभियान सुरु गरिएको हो ।
समान हटाउने कार्य बजारका विभिन्न ठाँउहरुमा पनि हुने घोराही जिल्ला ट्राफिक दाङले जनाएको छ । सडक पेटी तथा नालासम्म सामान राख्दा सडकमा यात्रा गर्ने बटुवालाई समेत समस्या हुन थालेपछि यस्तो अभियान सुरु गरिएको हो ।
सडक पेटीसम्म हुने फुटपात ब्यापार, अव्यबस्थित पार्किङलाई नियन्त्रण गरेर बजारलाई शोभनिय बनाउनका लागि यस्तो अभियान सुरु भएको हो । जिल्ला ट्राफिक प्रहरी कार्यालय दाङका ट्राफिक प्रमुख प्रेम रेग्मीको नेतृत्वमा पहिलो अभियान सुरुवात गरिएको हो ।
अब्यबस्थित समान राख्दा र पार्किङ गर्दा सडक दुर्घटना बढेको भन्दै सामान हटाउन सुरु गरिएको छ । साथै आगामी दिनमा सामान राखिएको पाइएमा कारबाही गर्ने समेत चेतवानी दिइएको दाङ जिल्ला ट्राफिक प्रमुख रेग्मीले जानकारी दिएका छन ।
