१३ जेठ २०८१, आइतबार
26-05-2024 , Sun
×

दाङको नाका क्षेत्रहरुमा ८ वटा ससत्र प्रहरीको क्याम्प राखिने तयारीमा

Logo
प्रकाशित बुधबार, माघ ०८, २०७६

(बिदुर एमसी)
दाङ माघ ८ नेपाल भारतको सिमानामा बर्दी बिनाको सुरक्षाकर्मीले भुमिका निर्वाह गरिरहेको राजपुर गाउँपालिका र गढवा गाउँपालिकाको नाकाहरुमा बसोबास गर्ने नेपाली नागरिकले अब साच्चिकै बर्दी सहितको सुरक्षाकर्मी पाउने भएका छन् ।
वि.स २०२० सालमा राजा महेन्द्र र रोल्पाका सांसद बालाराम घर्तीको राय सहमतिमा भारतीय रिटायर गोर्खा आर्मीलाई बास स्थानको लागि भनेर संसद हलमा निर्णय भएको थियो । तर पछि रोल्पा,रुकुम,सल्यान, प्युठान र दाङको पुर्बी भागका केही नागरिकहरु पनि सो स्थानमा बसाइँ सरेर बसोबास गर्न पुगेको त्यहाँका समाजसेवी एवम् जानकार चक्रबहादुर खड्का (शिखर)ले बताए ।
नेपाल सरकारले भारतीय रिटायर आर्मी बाहेक अन्य नागरिकलाई पछि हटाउन धेरै प्रयास गरेपनि त्यहाँ बसोबास गरेका नेपाली नागरिकले आफ्नो सिमानाको नेपाली भुमि लाई छोडेर फर्केर आउन मनै गरेनन् । बरु उनीहरुले विभिन्न संघर्षहरु गरेर सिमाको रक्षा सधै र हरपल गरिरहे ।
त्यहाँ सुरक्षाको हकमा कोइलावास प्रहरी चौकी र खाङ्ग्रा प्रहरी चौकी तथा अन्य स्थानहरुमा अस्थायी प्रहरी पोष्टहरु भएपनि भारतीय एस.एस.बिहरुको प्रत्येक नाकाको बस्तीमा क्याम्प खडा गरेर उनीहरु बसेका छन् र नेपाल प्रहरीलाई सिङको पनि नटेर्ने र शस्त्र प्रहरीलाई देखेपछि उनिहरुले टेर्ने गरेको स्थानीय हरुको भनाई रहेको छ ।
त्यसैगरी यस अघि गढवा गाउँपालिकाको वडा नम्बर ८ कोइलावासमा एक ससत्र क्याम्प, त्यसैगरी राजपुर गाउँपालिकाको वडा नम्बर ७ सुनपथरी नाकामा दोस्रो क्यामको रूपमा ससत्र क्याम्प भएपनि त्यसले मात्र सबै नाकालाई सुरक्षा प्रदान गर्न सम्भव नभएको हुँदा तत्काल अन्य ८ स्थानमा क्याम्प खडा हुने भएको हो ।
त्यस्तै अबको केही दिन भित्रमै राजपुर गाउँपलिकाको वडा नम्बर ६ खाङ्ग्रा नाकामा नेपाल ससत्र प्रहरीको तेस्रो क्याम्प बस्ने पूरा तयारी भैसकेको राजपुर गाउँपालिकाका अध्यक्ष लोकराज केसीले बताएका छन् ।
हालै नेपाल सरकार तथा गृहमन्त्राल्यको निर्णय अनुसार तत्काल साना,ठुला नाका मिलाएर राजपुर गाउँपालिका तथा गढवा गाउँपालिका भित्रमा रहेको ३१ वटा नाकाका बस्तीलाई सुरक्षा प्रदान गर्नको लागि थप ८ स्थानमा शस्त्र प्रहरी बल क्याम्प खडा गर्न लागिएको प्रमुख जिल्ला अधिकारी गोबिन्द रिजालले जानकारी दिए ।
त्यस्तै एक वर्ष भित्रमा क्रमश राजपुर गाउँपालिका र गढवा गाउँपालिका संग समन्वय गरेर अन्य स्थानमा क्याम्प खडा गर्नको लागि केही दिन अघि स्थलगत स्थानको निरक्षण भैसकेको प्रमुख अधिकारी रिजालको भनाइ रहेको छ । अधिकारीका अनुसार राजपुर गाउँपालिकाको वडा नम्बर ७ को भौवा नाका,भैसाही,दगमारा,खाङ्ग्रा,पटौली,सिरिया र गढवा गाउँपालिकाको वडा नम्बर ८ मुसि नाका भौरी सालमा गरि तत्काल एक स्थानमा १ इनिस्पेक्टरको कमान्डमा ३५ जनाको दरबन्दी गरि ८ स्थानमा क्याम्प खडा गरिने र अरु सिमा नाकामा क्रमश आवश्यक अनुसार ससत्र क्याम्प खडा गरिने जानकारी गराएका छन् ।

कमेन्ट गर्नुहोस्
सम्बन्धित

ABC (क्राईमबिट) काठमाडौं । विश्वको सर्वोच्च शिखर सगरमाथाको सफल आरोहण गरेका सशस्त्र प्रहरी निरीक्षक सुरज पौडेललाई प्रधान कार्यालय हलचोकमा स्वागत तथा सम्मान गरिएको छ । शुक्रबार सशस्त्र प्रहरी महानिरीक्षक राजु अर्याल तथा सशस्त्र प्रहरी अतिरिक्त महानिरीक्षकहरु नारायणदत्त पौडेल, चन्द्रप्रकाश गौतम र बंशीराज दाहाल लगायत बरिष्ठ अधिकृतहरुले पर्वतारोही सशस्त्र प्रहरी निरीक्षक पौडेलको प्रधान कार्यालयमा स्वागत गर्नुभएको […]

ABC (क्राईमबिट) काठमाडौं । प्रशिक्षार्थी दरबन्दी भएका ३३५ जना प्रहरी जवानहरुको सरुवा गरिएको हो । सूचनामा जेठ महिना देखि तलव, भत्ता समेत हाल सरुवा भएको दरबन्दीबाट खाने व्यवस्था गरिएको उल्लेख छ । साथै आवश्यक कारवाही गर्नु गराउनु हुन सम्बन्धित कार्यालयहरुलाई पनि प्रहरी प्रधान कार्यालयले निर्देशन दिएको छ ।

ABC (क्राईमबिट) काठमाडौं । प्रधानमन्त्री पुष्पकमल दाहाल ‘प्रचण्ड’को प्रमुख आतिथ्यमा राष्ट्रिय प्रहरी प्रशिक्षण प्रतिष्ठान महाराजगंजमा शुक्रबार प्रहरी निरीक्षक आधारभूत तालिम १-१८२औं (पोष्ट ग्रयाजुएट डिप्लोमा इन पुलिस साइन्स १३औं) समूहको दीक्षान्त समारोह सम्पन्न भएको छ । समारोहमा प्रधानमन्त्री दाहालले तालिममा सर्वप्रथम, सर्वद्वितीय एवम् सर्वतृतीय प्रशिक्षार्थीहरुलाई पुरस्कार प्रदान गर्नुभयो । समारोहलाई सम्बोधन गर्दै प्रधानमन्त्री दाहालले कठिन र […]