काठमाडौं । जिल्ला प्रहरी कार्यालय उदयपुरको कन्ट्रोलरुम सञ्चार शाखा दरबन्दीमा सरुवा भई जिल्ला प्रहरी कार्यालय ताप्लेजुङबाट कात्तिक २३ गते रमाना बुझेका प्रहरी सहायक निरीक्षक (असई) मनिष देवानको मृत्यु भएको छ ।
इलाम जिल्लाको माईजोगमाई गाउँपालिका ३ नाम्सालिङ घर भई फुङलिङ नगरपालिका ५ वीरेन्द्र चौकमा डेरा बस्दै आएका ४३ बर्षीय देवानको हृदयाघातका कारण मृत्यु भएको जिल्ला प्रहरी प्रमुख प्रहरी नायव उपरीक्षक (डिएसपी) वेद प्रसाद गौतमले जानकारी दिए ।
डिएसपी गौतमका अनुसार घरमै बसिरहेको अवस्थामा अचानक बिरामी भएपछि उपचारका लागि जिल्ला अस्पताल ताप्लेजुङ पुर्याइएको थियो ।
चेकजाँच गर्ने क्रममा डाक्टरले मृत घोषणा गरेको र पोष्टमर्टम रिपोर्टले हृदयाघातका कारण मृत्यु भएको पुष्टि गरेको डिएसपी गौतमले बताए ।
