१७ जेठ २०८१, बिहिबार
30-05-2024 , Thu
×

दाङ एयरपोर्ट विस्तार नियमित बिस्तार हुन्छ पर्यटन मन्त्री : भट्टराई

Logo
प्रकाशित शुक्रबार, माघ १०, २०७६

सागर थापा
दाङ माघ १० संस्कृति पर्यटन तथा नागरिक उड्य मन्त्री योगेश भट्टराईले दाङको एयरपोर्ट विस्तार हुने बताएका छन् । तुलसीपुर उद्योग वाणिज्य संघले शुक्रवादेखि आयोजना गरेको व्यापारी महोत्सवलाई सम्बोधन गर्दै मन्त्री भट्टराईले तुलसीपुरस्थित टरिगाउँ एयरपोर्टमा इन्धन डिपो स्थापनाको प्रक्रिया समेत अगाडि बढी सकेको जानकारी दिए ।
एयरपोर्टको धावन मार्ग विस्तार वारे मन्त्री भट्टराईको ध्यानाकर्षण गराउन महोत्सव स्थलमै साढे १२ मिटर लामो कपडामा संकलित हस्ताक्षर र यसअघि विभिन्न चरणमा विभिन्न दलका नेता तथा मन्त्रीहरुलाई बुझाइएका ज्ञापन पत्रहरुपनि बुझाइएको थियो । साथमा हालसम्म एयरपोर्टको विस्तार र इन्धनडिपो स्थापनाको लागि उद्योग वाणिज्य संघले बर्षौंदेखि सरकार प्रमुख र उच्च नेतृत्वालई गर्दैै आएका भेटघाट तथा प्रयासहरुको बारेमा तस्विरसहतिको १०० फिट लामो व्यानर समेत मन्त्रीलाई महोत्वसमा प्रर्दशन गरिएको थियो ।
टरिगाउँ एयरपोर्टको निरक्षणमा पुगेका पर्यटन मन्त्री भट्टराईलाई तुलसीपुर उपमहानगरपालिकाका मेयर घनश्याम पाण्डेले उक्त यरपोर्ट भौगौलिक र वातावरणिय हिसावले नेपालकै उत्कृष्ट एयरपोर्ट भएपनि राज्यले ठग्दै आएको हुँदा तत्काल विस्तार गर्न आवश्यक रहेको बताएका थिए । उनले टरिगाउँ एयरपोर्टलाई पाईलट प्रशिक्षण गर्ने एयरपोर्टको रुपमा विकाश गर्न सकिने बताए ।
२०११ सालमा स्थापना भएको दाङको एक मात्रै टरिगाउँ एयरपोर्टको धावन मार्ग जम्मा ७ सय ५० मिटरमा मात्रै कालोपत्रे छ । हाल दैनिक दुई वटा उडान हुँदै आएको टरिगाउँ एयरपोर्टमा १८ सिटे साना टुईन अटर विमान मात्रै चल्दै आएका छन् । त्यो भन्दा ठूला विमान आउन सक्दैनन् ।
इन्धन डिपो समेत नभएको हुँदा इन्धनपनि बोकेर ल्याउनु पर्ने बाध्यताले जम्मा १४÷१५ वटा यात्रु मात्रै एक पटकमा यात्रा गर्न पाउँछन् । इन्धन राखेको सिटको पैंशापनि यात्रुवाटै असुल्दै आइएको छ । त्यसले गर्दा दाङ काठमान्डौंको भाडा झन्डै ७ हजार रुपैंया पर्ने गरेको छ । जो नेपालगञ्ज भन्दा निकै महंगो हो ।
महोत्सव सुरु हुनुभन्ना पहिला निकालिएको शोभा यात्रामा सहभागि विद्यार्थीहरुले पनि टरिगाउँ एयरपोर्टको विस्तार र इन्धन डिपोको स्थापनाको माग गर्दै नारावाजी गरेका थिए । उनीहरुले हामी कहिले ठूला विमानमा चढ्न पाउँछौं, एयरपोर्टको धावन मार्ग विस्तार गर्नु पर्छ भन्ने खालका नारा लेखेका प्लेकार्ड बोकेको थिए ।
सार्वजनिक रुपमा यसरी एरपोर्ट विस्तारको माग गर्दै सडकमा नारावाजी र प्लेकार्ड प्रर्दशन भएको दाङमा यो नै पहिलो पटक हो ।
तुलसीपुर उद्योग वाणिज्य संघले दोघरेमा निर्माण गरेको बहुउदेश्य सभाहलको भुक्तानी हुन बाँकी रकमको जोहो गर्न महोत्सव लगाइएको हो । तर संघका पूर्व अध्यक्ष विमल रिजालले आवश्यक परे महोत्सव वाट संकलिन सम्पूर्ण रकम विमानको धावन मार्ग विस्तारमा लागाउन सकिने बताएका छन् । तुलसीपुर उद्योग वाणिज्य संघका अध्यक्ष विरवहादुर रावतको अध्यक्षतामा भएको उद्घाटन कार्यक्रमलाई तुलसीपुरका मेयर घनश्याम पाण्डे लगाएले सम्वोधन गरेका थिए । महोत्सव २० गते सम्म चल्ने छ ।

कमेन्ट गर्नुहोस्
सम्बन्धित

(रोशन निधि) बारा । जिल्लाको १६ पालिका मध्ये जीतपुरसिमरा उपमहानगरपालिकाको बेरुजु रकम सबैभन्दा बढी देखिएको छ भने परवानीपुर गाउँपालिकाको बेरुजु सबैभन्दा कम देखिएको छ । १६ वटा पालिका रहेको बारामा सिम्रौनगढ नगरपालिका बाहेकको अन्य १५ पालिकाको कुल बेरुजु रकम ७३ करोड ४७ लाख ३६ हजार रुपैयाँ रहेको छ ।भने महालेखा प्रतिवेदनमा सिम्रौनगढ नगरपालिकाको विवरण उल्लेख […]

(ABC-Sanchar) काठमाडौं । न्युरोड क्षेत्रको पैदलमार्ग विस्तार गर्ने काठमाडौं महानगरपालिकाको निर्णयविरुद्ध बुधबार पनि स्थानीयसहित जनप्रतिनिधिले विरोध गरेका छन् । बिहान ७ बजे नै करिब दुई सय नगर प्रहरीको दलबलसहित काम गर्न पुगेको निर्माण कम्पनी स्थानीयको विरोधपछि फर्किएको छ । उक्त क्षेत्रमा निर्माण कम्पनीलाई काम गर्न नदिन स्थानीयसहित जनप्रतिनिधिले २४सै घन्टा पहरेदारी गरिरहेका छन् । वडा नम्बर २२ का […]

ABC (क्राईमबिट) काठमाडौं । नेपाल प्रहरी अस्पताल महाराजगंज र उपेन्द्र देवकोटा मेमोरियल न्यूरो अस्पताल तथा उपेन्द्र देवकोटा फाउन्डेसन बाँसबारीबीच न्यूरो सेवा आदानप्रदान सम्बन्धी समझदारीपत्रमा हस्ताक्षर भएको छ । प्रहरी महानिरीक्षक बसन्त बहादुर कुँवर र उपेन्द्र देवकोटा मेमोरियल न्यूरो अस्पताल तथा फाउन्डेसनका कार्यकारी अध्यक्ष प्रा.डा. मधु दिक्षित देवकोटाको उपस्थितिमा नेपाल प्रहरी प्रधान कार्यालयमा बुधबार आयोजित कार्यक्रममा […]