मिडिया बिधेयक विरुद्ध पत्रकारहरु सडकमा जान्छौं केन्द्रिय कार्वाही अध्यक्ष:पोख्रेल

प्रकशित मिति : ११ माघ २०७६, शनिबार ०८:४९

(सिमा गुरुङ)
बुटवलमा शुक्रबार नेपाल पत्रकार महासंघका कार्यबाहक अध्यक्ष विपुल पोखरेलले सरोकारवालाहरुसँग छलफल नै नगरी सरकारले मिडिया विधेयक ल्याएर निरङ्कुशतातर्फ जान खोजेको आरोप लगाएका छन् । ‘मिडिया र आम नागरिकलाई नै कुण्ठित पार्ने गरि ल्याईएको सूचना प्रविधि विधेयक, मिडिया काउन्सिल विधेयकले सरकार निरङ्कुशतातर्फ जान खोजेको संका उत्पन्न भएको छ ।’ – पोखरेलले भने, यसका विरुद्ध हामी सडकमा जान पनि तयार छौ ।
रिपोटर्स क्लब प्रदेश ५ ले शुक्रबार बुटवलमा आयोजना गरेको साक्षात्कार कार्यक्रममा बोल्दै पोखरेलले भने ‘हामीलाई सडकमा जानका लागि बाध्य पारिदैं छ । त्यसका लागि अहिले हामी पूर्व-तयारीमा छौं ।’साक्षात्कारमा बोल्दै नेपाल बार एसोसिएशन उच्च अदालत तुल्सिपुर बुटवलका अध्यक्ष जोकबहादुर खत्रीले सरकारले ल्याएको मिडिया विधेयकलाई खारेज गर्न माग गरे । सरकार आफ्नो दम्भमा निरङ्कुशतातर्फ अग्रसर भएको औल्याउदै उनले प्रतिपक्ष दलको भूमिकामा समेत प्रश्न उठाए ।’विरोध गर्नुपर्ने कुराहरुलाई प्रतिपक्ष दलले एक पटक विरोध सभा गरेर मात्रै भूमिका पूरा हुँदैन ।’ – उनले भने, जनमत तयार पार्नका लागि भएपनि जनहित विरुद्ध सरकारका क्रियाकलापहरुमा लगातार आवाज उठाउन सक्नु पर्छ ।
कार्यक्रममा बोल्दै राष्ट्रय समाचार संस्थाका पूर्व अध्यक्ष बालकृष्ण चापागाईले पार्टिगत संगतले पत्रकारीता भुत्ते भएको टिप्पणी गरे । निश्पक्ष पत्रकारीतालाई जोड दिँदै उनले सरकारले ल्याएको मिडिया विधेयकले लेखेकै भरमा बोलेकै भरमा जेल जानु पर्ने अवस्था आएकोमा चिन्ता व्यक्त गरे ।

प्रकशित मिति : ११ माघ २०७६, शनिबार ०८:४९