मकवानपुर । भिमफेदी गा.पा.२ भैसे स्थित चेकपोईन्ट अगाडी सडकमा चेकजाँज गर्ने क्रममा आँपचौरतर्फ बाट भैसेतर्फ आउदै गरेको प्रदेश ३-०१-०२४ च ४२७० नं.को योद्धा पिकअप गाडीलाई रोक्न खोज्दा नरोकि हेटौडा बजार तर्फ भागेकोमा पिछा गर्दै जाने क्रममा जि.प्र.का.मकवानपुरबाट खटिएको प्रहरी टोलीलाई देख्नसाथ लोकप्रिय मोड नजिक
गाडी रोकि चालक भागी फरार भएकोमा उक्त पिकअप गाडीलाई रितपुर्वक खानतलासी गर्दा सो पिकअप गाडीको पछाडी ढाला भित्र लुकाई छिपाई गरी ल्याईएको अवस्थामा प्रतिबन्धित लागू औषध गाँजा १७२ किलो ६०० ग्राम फेला परेको हुँदा उक्त लागुऔषध र पिकअप गाडी बरामद गरी फरार चालकको खोजी कार्य जारी भईरहेको प्रहरीले जानकारी दिएको छ ।
