(एबिसी संचार)
नवलपुर नवलपुरको हुप्सेकोट गाउँपालिका अध्यक्षको गाडी सिक्ने क्रममा अधिकृतले दुर्घटना गराउँदा एक जनाको मृत्यु भएको छ ।
हुप्सेकोट गाउँपालिकाको जीपको ठक्करबाट एक ५ वर्षीय बालकको मृत्यु भएको छ भने दुई जना घाइते भएका छन् ।
स्थानीले घटनाको विरोध गरेपछि रातभरी तनाव उत्पन्न भएको हो । स्थानीयले सवारी चालकलाई पक्राउ गर्नुपर्ने र गाउँपालिका अध्यक्ष लक्ष्मी पाण्डे आएर घटनाको बारेमा सम्बोधन गर्नुपर्ने माग गरेका थिए ।
बिरोधका बीच कार्यालय समय सकिएर रातको समयमा दुई जना कर्मचारीले कार्यालय खोलेपछि स्थानीयले उनीहरुलाई कार्यालय भित्रै राखेर ताला लगाइदिएका थिए । ताला विहान पख प्रहरीले बल प्रयोग गरेर खोलेको छ ।
हुप्सेकाट गाउँपालिकाका उपाध्यक्ष कोपिला मल्ललाई छाडेर आउने क्रममा गाडी दुर्घटनामा परेको भनिएपनि स्थानीयले सिक्ने क्रममा दुर्घटना भएको बताएका छन् ।
गाडीका चालक नभएको र गाउँपालिकाका कर्मचारी (अधिकृत) शिव सुवेदीले गाडी सिक्ने क्रममा दुर्घटना भएको प्रहरीले जनाएको छ । सुवेदी फरार छन् ।

सम्बन्धित

नवलपरासीमा ट्रक दुर्घटना हुँदा दुई जनाको मृत्‍यु

स्रोत नखुलेका ३ लाख नगदसहित एक भारतीय नागरिक पक्राउ

निजीलाई ट्रायल सेन्टर दिने निर्णय कार्यान्वयन नगर्न निर्देशन

दाङको राप्ती कपास उद्याेगमा आगलागि हुँदा २५ लाखको क्षति

प्रहरीले साधारण जीवनशैलीमा उच्चतम सेवा प्रवाह गर्नुपर्छ:IGP थापा

काठमाडौं प्रहरीले १८ लाख ७८ हजार रुपैयाँसहित ३ जना पक्राउ