बाँकेको कोहलपुर नगरपालिकामा तालाबन्दी

प्रकशित मिति : १३ माघ २०७६, सोमबार २२:२१

(एबिसी संचार) बाँके माघ १३ कोहलपुर नगरपालिकामा सोमबार १ घण्टा तालाबन्दी भएको थियो । राष्टमुखी निर्माण सेवा कोहलपुरले आफुले सडक निर्माणको काममा पाउनुपर्ने रकम नपाएपछी कोहलपुर नगरपालिकाको मुलगेटमै ताला लगाएको थियो सुर्खेत रोड इन्द्रेणी चोक हुदै गोरखा स्कुल सम्म जाने सडक निर्माणका लागी राष्टमुखी निर्माण सेवाले जिम्मा पाएको थियो । करिब २ करोड ६ लाख बराबर सडक निर्माणको जिम्मा लिएको राष्टमुखी निर्माण सेवाले रनिङ्ग बिलमा ६५ लाख मात्र लिएको राष्टमुखी निर्माण सेवाका गौरव रावले बताए । आफुले सडक निर्माणका पाउनुपर्ने रकम नपाएपछी बाध्य भएर नगरपालिकामा तालाबन्दी गर्नुपरेको रावत बताउछन् । कोहलपुर नगरपालिका र निर्माण सेवा बिच भएको सम्झौता अनुसार सडक निर्माण गर्ने सम्झौता भएको थियो ।तर बारम्बार धाउदा पनि रकम नपाएको उनले बताए कोहलपुर नगरपालिका जनप्रतिनिधी कर्मचारी र निर्माण सेवा कम्पनी बिच छलफल पश्चात १ घन्टापछी नगरपालिकामा लगाइएको ताला खोलिएको छ ।