काठमाडौं । अधिकृत मतदान केन्द्रमा एकजना कर्मचारी पनि नराखी बाहिर जान खोजेपछि सुरक्षा प्रमुख प्रहरी सहायक निरीक्षक र निर्वाचन अधिकृतबीच चर्काचर्की भएको छ। कानुन अनुसार कम्तीमा एकजना बस्नुपर्ने विषयमा दुबै पक्ष आ–आफ्नो अडानमा देखिएका थिए।
संवाद जस्ताको त्यस्तै :
प्रहरी ?♂️: यहाँ मतदान केन्द्रमा एकजना बस्नु पर्छ, के माथि कुरा गर्नुपर्छ? किन तपाईं कानुनभन्दा माथि जान खोज्नु हुन्छ?
निर्वाचन अधिकृत ?️: अहिले कुरा गर्ने होइन।
प्रहरी ?♂️: पहिले कुरा गर्नुस् त सुन्नुहोस्। १२ जना कर्मचारी छन् — तपाईंका ६ जना, अर्का ६ जना। एकजना पनि बस्न सक्दैन?
निर्वाचन अधिकृत ?️: बस्दैन, आवश्यक परेपछि राख्छु, बोलाउँछु।
प्रहरी ?♂️: अहिले यहाँ इन्स्पेक्टर साबको मोबाइल गाडी हिँडिरहेको छ, उहाँ आयो भने म के जवाफ दिने?
निर्वाचन अधिकृत ?️: अनि भन्नुहोस् सर यहाँ जानु भएको छ अहिले भनेर।
प्रहरी ?♂️: तपाईंले यहाँ राखेर जानु पर्यो नि एकजना।
निर्वाचन अधिकृत ?️: त्यो त मेरो गल्ती हुन्छ नि त, उहाँको मोबाइल नाम एआर छ, अहिले त्यहाँ उहाँ गर्नु।
प्रहरी ?♂️: यहाँ सरसँग कुरा गर्नुहोस्, कानुनभन्दा माथि तपाईं बन्न खोज्नु भएको रहेछ।
निर्वाचन अधिकृत ?️: सामानको जिम्मा नलिने भए पछि त म आफ्नो सामानको बोल्न नदिएर प्रहरीले आफ्नो व्यवहार मिलाउनु पर्छ नि त। म त्यस्तो व्यवहार गर्दिनँ।
प्रहरी ?♂️: तपाईं बाजे भए त कुनै माया छैन तपाईंको।
निर्वाचन अधिकृत ?️: मेरो मिलोस् नमिलोस् त्यससँग मतलब नराख्नुहोस्। मतदान यहाँ सम्पन्न गर्नु छ, त्यसको लागि टेन्सन नलिनुस्, यति मैले भन्छु।
प्रहरी ?♂️: तपाईं आफ्नो हिसाबले चल्छु भनेर आउनु भएको?
निर्वाचन अधिकृत ?️: हो, म आफ्नो हिसाबले चल्छु। मेरो मतदान सम्पन्न गर्नु छ, यसमा टेन्सन नगराउनुस्।
प्रहरी ?♂️: अनि एक्लैले गर्नु हुन्छ त?
निर्वाचन अधिकृत ?️: एकदम एक्लै गर्छु।
प्रहरी ?♂️: सुन्नुहोस्, तपाईंको यहाँ कति जना कर्मचारी छन्?
निर्वाचन अधिकृत ?️: मैले भने नि, एकजनालाई कामको बेला आवश्यकता पर्छ।
प्रहरी ?♂️: तपाईंको कति जना कर्मचारी छन् यहाँ?
निर्वाचन अधिकृत ?️: यहाँ केलाई चाहियो? म एकजना भए भयो नि।
प्रहरी ?♂️: खाटाको कति जना छन्? भन्नुस्।
निर्वाचन अधिकृत ?️: ५ जना।
प्रहरी ?♂️: ५ जना अर्को तिर ५ जना होला, १० जना भयो। कम्तीमा १० जनामा यहाँ कति जना बस्नु भएको छ तपाईं भन्नुस्।
निर्वाचन अधिकृत ?️: १० जना अर्को बुथको लागि हो। उहाँको के अवस्था हो, उहाँ घर जानु नहुने।
प्रहरी ?♂️: मैले व्यवहार बुझेर आफ्नो रिस्कमा छोडिदिएँ तर यहाँ त एकजना बस्नु पर्यो नि। सुन्नुहोस्, माथि पनि कमाण्डर छ, थाहा होला तपाईंलाई?
निर्वाचन अधिकृत ?️: छ सर, आउँदै हुनुहुन्छ। यहाँ चोकमा जानु भएको छ। तपाईं ५ मिनेट बस्नुहोस्, २ मिनेटमा फोन गरेपछि म यहाँ हुन्छु।
प्रहरी ?♂️: थाहा छ कि छैन? सेक्युरिटीलाई अहिले त्यहाँ बस्ने फुर्सद छैन, घुमेको घुमेकै गर्नु पर्छ। अनि यहाँ ५ मिनेट आएर बस्ने फुर्सद हुन्छ त? माथिबाट तपाईंले हेर्नु भयो भने के जवाफ दिने?
निर्वाचन अधिकृत ?️: फुर्सद छैन भने उहाँहरू सर यहाँ खाना खान जानु भएको छ भनेर भन्नुहोस्, यति भन्नुहोस्।
प्रहरी ?♂️: झुट बोल्ने? तपाईंको कर्मचारी एकजना पनि हुनुहुन्न।
निर्वाचन अधिकृत ?️: म चन्द्रनिगाहापुर जाँदै छु अहिले।
प्रहरी ?♂️: के ग्यारेन्टी छ? तपाईं उता जानुभयो भने बाइकबाट लड्नु हुन्न? होलीको माहोल छ ?। तपाईं राम्रैसँग चलाएर पनि अरुले ठोक्देला।
निर्वाचन अधिकृत ?️: ठोक्देला भने त्यसको जिम्मेवारी मलाई छ नि।
