सभापतिको राजीनामा माग्नु समाधान होइन् अब निकास खोज्नुपर्छ नेता सुनिलकुमार शर्मा,

काठमाडौं । नेता शर्माका अनुसार अहिले देखिएको संकट कुनै एक व्यक्तिको कारण मात्र नभई दशकौँदेखि चल्दै आएको अवसरवादी र कमजोर राजनीतिक अभ्यासको परिणाम हो। सम्पूर्ण असफलताको जिम्मा एउटै व्यक्ति माथि थोपर्नु न्यायोचित नहुने उनले उल्लेख गरेका छन्।
शर्माले पार्टी भित्र सबैले आत्मसमीक्षा गर्नुपर्ने आवश्यकता औँल्याउँदै विशेष महाधिवेशन र नेतृत्व परिवर्तनपछि पनि चुनावी पराजय आएको सन्दर्भलाई व्यापक रूपमा विश्लेषण गर्नुपर्ने बताएका छन्।

उनले नेपाली कांग्रेसको ऐतिहासिक योगदान स्मरण गर्दै नेपाली कांग्रेस भित्र एकता र सहकार्यको वातावरण बनाउन आह्वान गरेका छन्। साथै कोइराला परिवारको ऐतिहासिक भूमिका लाई स्मरण गर्दै लोकतान्त्रिक मूल्य, त्याग र आदर्शलाई पुनः जागृत गर्नुपर्ने धारणा व्यक्त गरेका छन्।

शर्माले अब विगतका कमजोरीबाट पाठ सिक्दै शून्यबाट नयाँ संघर्ष सुरु गरेर जनताको गुमेको विश्वास पुनः जित्नु पर्छ भने।