काठमाडौं । टर्कीका इब्राहिम युसेल (İbrahim Yücel) को चुरोट छोड्ने एउटा अनौठो तरिकाले संसारलाई नै अचम्ममा पारेको थियो। २६ वर्षदेखि दैनिक दुई प्याकेट चुरोट पिउने बानी भएका इब्राहिमले आफ्ना बुबाको फोक्सोको क्यान्सरबाट मृ,त्यु भएपछि स्वास्थ्यको महत्त्व बुझे। तर, कैयौँ पटक प्रयास गर्दा पनि उनले चुरोट छोड्न सकेनन्।
अन्त्यमा, उनले एउटा कडा कदम चाले। उनले तामाको तारबाट आफ्नो टाउको छिर्ने एउटा ‘हेल्मेट’ जस्तो पिँजडा बनाए। उनी दिनभरि त्यो पिँजडा लगाएर बस्थे र त्यसको साँचो श्रीमती वा छोरीलाई दिन्थे ताकि उनले चाहेर पनि चुरोट मुखमा हाल्न नसकुन्। पिँजडाभित्रबाट उनले केबल स्ट्र (Straw) को सहायताले पानी र झोल कुराहरू मात्र खान मिल्थ्यो।
आफ्नो परिवार र स्वास्थ्यका लागि इब्राहिमले देखाएको यो दृढ इच्छाशक्तिको अहिले पनि चर्चा हुने गर्छ। एजेन्सी
