बर्दिया । मानिसमाथि आक्रमण गरेर ज्यान लिएका *५ वटा समस्याग्रस्त बाघ*लाई नियन्त्रणमा लिएर फलामको बलियो खोरमा राखिएको छ।
*के छ अवस्था:*
– यी बाघहरू १० वर्षयताका विभिन्न समयमा नियन्त्रणमा लिइएका हुन्।
– थुनामा रहेका बयस्क बाघहरू अहिले पनि *निकै आक्रामक* छन्।
– सुरक्षाका लागि खोर वरिपरि *सर्वसाधारणको प्रवेश निषेध* गरिएको छ।
मानिसलाई आक्रमण गर्ने बाघलाई पुनः जंगलमा छोड्दा जोखिम बढ्ने भएकाले वन्यजन्तु संरक्षण नियमावली अनुसार यस्ता बाघलाई “समस्याग्रस्त बाघ” भन्दै नियन्त्रणमा राख्ने अभ्यास छ। बर्दिया राष्ट्रिय निकुञ्ज र डिभिजन वन कार्यालयले यी बाघको व्यवस्थापन गरिरहेका छन्।
मानव-वन्यजन्तु द्वन्द्व बढ्दै गएकाले बफरजोनमा सुरक्षा सतर्कता, तारबार र जनचेतनाका कार्यक्रम पनि सँगसँगै चलिरहेका छन्।
