*1. बच्चाहरूको हकमा:*
– स्कुल आउने-जाने समयमा हावाहुरी र पानी परेमा बच्चाहरूलाई तत्काल नपठाउनु होला। स्कुलमै भए स्कुलले नै सुरक्षित राख्ने व्यवस्था मिलाउँछ।
– रुख, बिजुलीको पोल, जस्ताको छाना नजिक उभिन नदिनू। हावाले उडाएका वस्तुले चोट लाग्ने खतरा हुन्छ।
*2. पृथ्वी राजमार्ग प्रयोग गर्नेहरूको लागि:*
– यात्रा अत्यावश्यक छ भने मात्र निस्कनू। सडकमा रुख ढल्ने, पहिरो जाने, बिजुलीको तार खस्ने जोखिम बढ्छ।
– हावाहुरी चल्दा गाडीको गति कम राख्नू, अचानक ब्रेक नलाउनू।
– रात परे झन् जोखिम बढ्छ, सम्भव भए यात्रा भोलि बिहान मौसम खुलेपछि मात्र गर्नू।
*3. घर-परिवारमा:*
– घर वरिपरिका कमजोर संरचना, टिनको छाना, साइनबोर्ड सुरक्षित छ कि छैन हेर्नू।
– बिजुली चम्किँदा इलेक्ट्रोनिक सामानको प्लग निकालिदिनू।
स्थानीय प्रशासन र प्रहरीले सडक खुलाउने, क्षतिको विवरण लिने काम गरिरहेका हुन्छन्। क्षति धेरै भए वडा कार्यालय वा जिल्ला प्रशासनमा खबर गर्नू।
