नयाँदिल्ली । नेपालको सत्तारुढ दलका सभापति लामिछाने र प्रधानमन्त्री मोदीबिच आज बिहान १०ः३० बजे भेटवार्ता हुन लागेको स्रोतले जनाएको छ ।
यो भेटलाई दुवै पक्षबाट महत्वका साथ हेरिएको छ । ५ दिने भारत भ्रमणमा रहेको सभापति लामिछानेलाई भारतले उच्च महत्त्व दिएको देखिएको छ ।
भेटमा सभापति लामिछानेले खुलारुपमा राखेका नेपाल भारत सम्बन्धी ‘रिसेट’ प्रस्तावका विषयमा छलफल हुने अनुमान गरिएको छ ।
पहिलो दिन विमानस्थलमा भाजपाका राष्ट्रिय महासचिव अरुण सिंहले स्वागत गरेका थिए ।
मङ्गलवार भाजपाको मुख्यालयमा रेड कार्पेट स्वागत सहित अध्यक्ष नीतिन नवीनले भेटवार्ता गरेका थिए ।
लगत्तै भारतको परराष्ट्र नीतिमा मुख्य भूमिका खेल्ने विदेश मन्त्री एस जयशंकरसँग भेटवार्ता भएको थियो भने साँझ भारतका गृहमन्त्री अमित शाहसँग भेटवार्ता भएको थियो ।
शाहले भारतको गृहमन्त्री भएपछि भेटका पहिलो विदेशी नेता लामिछाने हुन् ।
