दाङ । घोराही गर्मी र रोगको संक्रमणलाई मध्यनजर गर्दै आज घोराहीका ७ विद्यालयहरुका क्यान्टीनहरु र शौचालयहरुमा अनुगमन गरेको छ । त्यस अनुगमनमा बालबालिकाहरुले खाने खाजा नास्ताहरु खाद्य स्वच्छता र स्वस्थताका दृष्टिकोणले के कस्तो अवस्था रहेको छ भन्ने कुरालाई मध्यनजर गर्दै त्यहाँ देखिएका कमीकमजोरीहरुलाई तत्काल सुधार गर्न निर्देशन दिइएको छ भने अखाद्य पदार्थहरु, सडेका , बासी खानेकुराहरु, रङ्ग मिसाइएका खानेकुराहरु स्थलगत रुपमा नस्ट गरेको छ ।
साथै, लेभल नभएका बरफजन्य गुलियो पदार्थहरुलाई जफत समेत गरेको छ। त्यस क्रममा दीपशिखा बोर्डिङ स्कुल , गुरुकुल बोर्डिङ स्कुल, सिद्धार्थ स्कुल, सरस्वती मा वि काठेकोहल, शान्तिनिकेतन बोर्डिङ स्कुल , पद्द्मोदय मा वि, भरतपुर लगायतका विद्यालयहरु र त्यस आसपासका केही फलफूल तथा किराना पसलहरुमा अनुगमन गरिएको हो । घोराही उपमहानगरपालिकाको उपभोक्ता हित संरक्षण शाखाको नेतृत्वमा गएको अनुगमन टोलीमा जिल्ला प्रशासन कार्यालय , दाङ, खाद्य प्रविधि तथा गुण नियन्त्रण डिभिजन कार्यालय, तुल्सीपुर, वडा प्रहरी कार्यालय , घोराही, नेपाल पत्रका महासंघ, घोराही नगर प्रहरी र उपभोक्ता हित संरक्षण शाखा लगायतको नियमनकारी निकाय र सहजीकरण निकायहरुको उपस्थिति रहेको थियो ।
