बाँके । नेपाल एपीएफ स्कुल, कोहलपुरमा नं. ५ बिन्ध्यवासिनी तथा सशस्त्र प्रहरी बल, नेपालका नायब महानिरीक्षक (डीआईजी) दीपक कुमार अधिकारीको विद्यालय भ्रमण सम्पन्न भएको छ। भ्रमणका अवसरमा विद्यालय व्यवस्थापन समितिका अध्यक्ष वरिष्ठ सशस्त्र प्रहरी उपरीक्षक नरेन्द्र बम, विद्यालय कमान्डेन्ट प्रहरी उपरीक्षक प्रमोद कुमार भारती, सहायक प्राचार्य, वरिष्ठ अधिकृत, शिक्षक, कनिष्ठ अधिकृत तथा विद्यार्थीहरूले उहाँलाई विद्यालय परिसरमा हार्दिक स्वागत गरेका थिए।
भ्रमणका क्रममा डीआईजी अधिकारीले छात्रावास, शैक्षिक भवन, भोजनालय, शिक्षक कक्ष तथा विद्यालयका अन्य भौतिक संरचनाहरूको निरीक्षण तथा अवलोकन गरेका थिए। यस अवसरमा विद्यालय कमान्डेन्टले पावरपोइन्ट प्रस्तुतीकरणमार्फत विद्यालयको शैक्षिक, प्रशासनिक तथा अन्य समग्र गतिविधिबारे जानकारी गराएका थिए।निरीक्षणपछि डीआईजी अधिकारीले विद्यालय परिवारलाई शिक्षा, अनुशासन र कार्यसम्पादनका हरेक क्षेत्रमा उत्कृष्टता हासिल गर्ने लक्ष्यका साथ समर्पित भएर अघि बढ्न प्रेरित गर्दै संस्थाको गुणस्तरलाई अझ उचाइमा पुर्याउन सबैले निरन्तर मेहनत गर्नुपर्नेमा जोड दिएका थिए।
