दाङ । घोराही उपमहानगरपालिका–१५, मुख्य बजार* आइतबार दिउँसो परेको वर्षापछि पूरै जलमग्न भएको छ।
मुसलधारे वर्षा सुरु भएको केही समयमै सडक नदीजस्तै भयो। ढल निकास प्रणालीले थेग्न नसक्दा पानी सडकमा थुनिएर बजार क्षेत्र डुबानमा परेको हो। पसल, मोटरसाइकल, पैदल यात्रु सबैलाई समस्या भएको स्थानीयले बताएका छन्।
ढल सानो, पानी धेरै: पुरानो बजारको ढल २० वर्ष अगाडिको डिजाइनको हो। अहिले कंक्रिट घर, पिच सडक बढ्दा माटोले पानी सोस्दैन। सबै पानी एकैचोटि ढलमा पस्छ।
प्लास्टिक, बोतल, घरको फोहोरले म्यानहोल र ढल थुनिदिँदा पानी पास हुँदैन। नाला माथि पसल थप्ने, ढलको मुख बन्द गर्ने प्रवृत्तिले पानीको प्राकृतिक बाटो रोकिन्छ।
दुकानमा पानी पस्यो भने सामानमा नोक्सान, ट्राफिक जाम, स्कुल जाने बच्चा/बुढाबुढी लड्ने जोखिम, र पानी जमेपछि डेंगु, झाडापखालाजस्ता रोगको डर भएको छ ।
घोराही उपमहानगरले मनसुन अगाडि नै सबै म्यानहोल सफा गर्ने, अवरुद्ध ढल खोल्ने, र मुख्य बजारमा ठूलो क्षमता भएको ड्रेनेज सिस्टम बनाउनुपर्छ। तर वर्षा सुरु भइसकेपछि “तदर्थ” सफाईले मात्र पुग्दैन।
