सागर थापा (क्राईमरिपोर्टर)
दाङ माघ २९ अनुसन्धान प्रहरीले तुलसीपुरको बसपार्कबाट बाघको छालासहित ३ जनालाई पक्राउ गरेको छ । केन्द्रीय अनुसन्धान ब्यूरोले तलुसीपुर ५ स्थित बासपार्कबाट बाघको छालासहित तीन जना युवाहरुलाई नियन्त्रणमा लिएको हो ।
पक्राउ पर्नेहरुमा सल्यानको बनगाड कुपिण्डे नगरपालिका–२ का ३७ वर्षीय यमबहादुर राना, त्रिवेणी गाउँपालिका–१ का ३० वर्षीय रामजा बुढामगर र शारदा नगरपालिका–१ का २६ वर्षीय रमित सुनार रहेका छन् ।
वन्यजन्तुको आखेटोपहार ओसारपसार तथा खरिद विक्री गर्न लागेको विशेष सूचना पाएपछि अनुसन्धान ब्यूरोले उनीहरुलाई तलुसीपुर बसपार्कबाट पक्राउ गरेको थियो । तीन जनालाई राष्ट्रिय निकुञ्ज तथा वन्यजन्तु संरक्षण ऐन २०२९ विरुद्धको अपराध मुद्दा दायर गरिएको ब्यूरोका प्रवक्ता एसपी बेल पाण्डेद्वारा जारी विज्ञप्तिमा उल्लेख गरिएको छ । ब्यूरोले उनीहरुलाई बाघको छालासिहत डिभिजन वन कार्यालय दाङमा बुझाएको प्रबक्ता एसपी पान्डेले बताए ।
