चालकले लाखौं जरिवाना कहाँबाट तिर्न सक्छ ? पूर्व ट्राफिक प्रहरी निरीक्षक सिताराम हाछेथु

काठमाडौं । पूर्व ट्राफिक प्रहरी तथा हाल ललितपुर महानगरपालिकाका नगरप्रहरी प्रमुख सिताराम हाछेथुले सार्वजनिक यातायात चालकमाथि प्रस्तावित उच्च जरिवानाबारे प्रश्न उठाएका छन्।

उनले भने, “पूर्व प्रहरी भएको नाताले धेरै नबोल्नु पर्ने हो, तर यथार्थ यही हो। सार्वजनिक यातायात चालकले दिनमा हजार रुपैयाँसमेत कमाउन सक्दैन। यस्तो अवस्थामा लाखौं रुपैयाँ जरिवाना कहाँबाट तिर्न सक्छ?”

उनको भनाइले प्रस्तावित जरिवाना रकम चालकको आर्थिक अवस्थासँग मेल खान्छ कि खाँदैन भन्ने विषयमा बहस सुरु गरेको छ।