प्रकशित मिति : २ फाल्गुन २०७६, शुक्रबार १९:१०

(सागर थापा)
काठमाडौं फागुन २ महानगरीय प्रहरी कार्यालय रानीपोखरीको प्रहरी मेश सुदृढीकरण योजना अन्तर्गत फाल्गुन २ गते बिहान ९ बजे महानगरीय प्रहरी कार्यालय रानीपोखरीका कार्यालय प्रमुख डिआइजी बिश्वराज पोखरेल पूर्ब प्रहरी अतिरिक्त महानिरीक्षक देबेन्द्र सुबेदी महानगरीय प्रहरी परिसर टेकुका कार्यालय प्रमुख प्र.ब.उ. उत्तमराज सुबेदी, काठमाण्डौ महानगरपालिका वडा नं. ३ का अध्यक्ष दिपक के.सी. र सामुदायिक सेवा केन्द्र महाराजगंज , बूढानीलकण्ठ टुडालदेबी र गोंगबुका अध्यक्षहरु र प्रहरी परिसर टेकु मातहत बृत्त तथा प्रभागहरुका प्रमुखहरु गरि अन्दाजी ८० जनाको उपस्थितीमा महानगरीय प्रहरी बृत्त महाराजगंजमा रहेको प्रहरी अधिकृत तथा जवान मेशको संयुक्त समुद्घाटन गर्नु भएको छ ।
साथै उक्त मेस उद्घाटन कार्यक्रममा बोल्ने क्रममा सामुदायिक सेवा केन्द्र टुडालदेबीका अध्यक्ष राम प्रसाद न्यौपानेले प्रहरी बृत्त महाराजगंजको यस कार्यक्रमले सबैको मन छोएको र सम्पूर्ण प्रहरी कर्मचारीहरुमा काम गर्ने हौसला बढाउनका साथै कामकार्बाहीको स्तरमा बृद्धि हुने बिश्वास लिएको धारणा राख्नु भएको थियो भने पूर्ब प्रहरी अतिरिक्त महानिरीक्षक देबेन्द्र सुबेदीज्यूले कुनै पनि समुदायको सभ्यता भनेको त्यस ठाउंको भान्छा , शौचालय र सडकले देखाउने भएको कारण यस बृत्त महाराजगंजको मेश सुधारले प्रहरीको सभ्यता झल्काउनुका साथै भवनालाई समेट्दै अभिबृद्धी हुने विस्वास व्यक्त गर्नु भएको थियो । सोही क्रममा पूर्ब अतिरिक्त महानिरीक्षले यसरी संयुक्त मेशको सञ्चालन भई रहदा Chain Of Command मा चल्ने प्रहरी कामकार्बाहीमा Break हुन नहुने र प्रहरी संगठनको सुधारका लागि नयां संस्कारको बिकास हुनुपर्ने बिचार ब्यक्त गर्नु भएको थियो । आफ्ना बिचार राख्ने क्रममा उहांले प्रहरी कर्मचारीले गर्ने व्यबहारले राज्यको व्यबहार झल्कने हुंदा आम नागरीक संग गर्ने व्यबहार सभ्य र मर्यादित बनाई समाजमा मुस्किलले ३ प्रतिशत नागरीक अपराधि मनस्थितीको हुने हुंदा अन्य ९७ प्रतिशत नागरीकहरुलाई सोही नजरले नहेर्न अनुरोध गर्नु भएको थियो । यसै गरि काठमाण्डौ महानगरपालिका वडा नं. ३ का अध्यक्ष दिपक के.सीले प्रहरी संगठन जनता खुसि हुदा होस या दुखि हुदा होस नभई नहुने हुंदा सम्पूर्ण प्रहरी कर्मचारीहरुमा स्फुर्ति आउनु पर्ने र सोको लागि यस मेस सुधार कार्यक्रमले थप उर्जा दिने बिस्वास ब्यक्त गर्नु भएको थियो भने कार्यक्रमका प्रमुख अतिथी प्र.ना.म.नि.ले निर्देशनका क्रममा प्रहरीको यस मेश सुधार योजना काठमाण्डौबाट मुलुकभर नै लैजाने र निष्कर्षमा पुर्याउने बिचार ब्यक्त गर्दै हामी आफ्नो घरको भान्छा जस्तो होस भन्ने चाहन्छौं प्रहरी मेश पनि सोही अनुसार बनाउनुका साथै प्रहरीका हर क्रियाकलापलाई मेरो भन्ने धरणाको बिकास गर्न सके उर्जा पैदा हुने र प्रहरीको महत्वपूर्ण भुमिका खेल्ने बिचार राख्नु भएको थियो ।
साथै उक्त कार्यक्रममा मेश सुधार कार्यमा महत्वपूर्ण भुमिका खेल्ने प्र.ना.उ. उमेश लम्साल , प्र.ना.नि. चन्द्र कान्त अधिकारी , प्र.का.स. किशोर कार्की सहित प्रहरी कर्मचारीहरुलाई प्रमुख अतिथीज्यूले नगद पुरस्कार समेत प्रदान गर्नु भएको थियो ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2020 AbcSanchar.com