बाँके । चाडपर्वको समयमा सुरक्षित यात्रा सुनिश्चित गर्न जिल्ला ट्राफिक प्रहरी कार्यालय बाँकेका ट्राफिक प्रमुख प्रहरी निरीक्षक कनक शाहीको कमाण्डको ट्राफिक प्रहरी टोलीले बाँके नेपालगन्ज राँझा,रत्न राजमार्गमा विशेष चेकजाँच गरेको थियो।
१७१ वटा सार्वजनिक सवारी चेकजाँच* गर्दा ६२ वटा अतिरिक्त सिट/मुढा फेला पारी निकालिएको छ र ट्राफिक नियम उल्लंघन गर्ने ३५ वटा सवारीलाई कारबाही* गरिएको छ।
ट्राफिक प्रहरीले भनेको छ सवारीमा जोडिएका वैकल्पिक सिट तथा मुढा चालक/धनी स्वयंले निकालेर कार्यक्रम सफल बनाउन अनुरोध” गरिएको छ।
अहिले बसपार्क, जमुनाहा नाका र मुख्य राजमार्गहरूमा संयुक्त सहायता कक्ष राखेर भाडादर अनुगमन, क्षमताभन्दा बढी यात्रु, छतमा यात्रु राख्ने प्रवृत्तिमा कडाइ गरिएको छ। चाडपर्वमा यात्रु चाप बढेकोले यो निगरानी तिहारसम्मै तीव्र रहने जिल्ला ट्राफिक प्रहरी कार्यालय बाँकेले जानकारी दिएको छ।
