फाल्गुन १०, काठमान्डौ । गोकुल बास्कोटाले राजीनामा दिएसँगै खाली भएको सञ्चार तथा सूचना प्रविधि र शहरी विकास मन्त्री बन्न सत्तारुढ नेकपामा दौडधुप सुरु भएको छ ।
बास्कोटाले राजीनामा दिएसँगै सञ्चार तथा सूचना प्रविधि मन्त्रालय हेर्ने जिम्मेवारी अर्थमन्त्री युवराज खतिवडाले पाएका छन् । उपेन्द्र यादव नेतृत्वको समाजवादी पार्टी सरकारबाट बाहिरिएपछि रिक्त सहरी विकासमन्त्रीको जिम्मेवारी बास्कोटाले सम्हाल्दै आएकामा उक्त जिम्मेवारी भौतिक पूर्वाधार तथा यातायातमन्त्री वसन्त नेम्वाङलाई दिइएको छ ।
पूर्वएमालेबाट मन्त्री बन्न प्रधानमन्त्री केपी ओलीका विश्वासपात्र महेश बस्नेत, विशाल भट्टराई दौडधुप सुरु गरेका छन् ।अबको मन्त्रिपरिषद विस्तारमा भक्तपुरका नेता महेश बस्नेत र खोटागंका नेता विशाल भट्टराई मन्त्री बन्ने र उनिहरुलाई क्रमश शहरी विकास र सुचना तथा सञ्चारमन्त्री बनाउने मनस्थितिमा प्रधानमन्त्री रहेको नेकपाका एक नेताले जानकारी दिए ।
०१ माघ २०८१, मंगलबार
14-01-2025 , Tue
