बिदुर एमसी
दाङ फागुन १२ पूर्वसभामुख कृष्णबहादुर महरा आफ्नो निर्वाचन क्षेत्र रहेको जिल्ला दाङ पुग्नुभएको छ । दाङ– २ बाट निर्वाचित महरा आज दाङको प्रवेशद्वारको रुपमा रहेको भालुवाङ पुगेपछि भव्य स्वागत गरिएको छ ।
पूर्वसभामुख महरालाई भालुवाङबाट घोराही जाने बाटोमा पर्ने विभिन्न स्थानहरुमा भव्य स्वागत गरिएको छ । त्यस क्रममा उहाँलाई सिसहनियाँमा पनि स्थानीय नेता, कार्यकर्ता, शुभेच्छुक र आमजनताले स्वागत गरेका छन् ।
त्यस्तै, लमही बजार पुगेपछि त्यहाँ पनि महरालाई स्वागत गरिएको छ । जिल्ला अदालत काठमाडौंले महरामाथि लागेको आरोपबाट पूर्ण सफाई दिएपछि महरा दाङ पुग्नुभएको हो । सबै कार्यक्रमहरुमा पूर्वसभामुख महराले संक्षिप्त सम्बोधन गर्नुभएको छ । महराले सम्मानित अदालतले आफूलाई न्याय दिएको बताउँदै अब जीवनभर दङाली जनताको हितका लागि काम गर्ने प्रतिवद्धता व्यक्त गरिरहनु भएको छ ।
