काठमाडौँ फागुन १८ नेपाल टेलिकमले लार्ज डाटा प्याक उपलब्ध गराइरहेको छ । यो प्याक एक पटक सब्स्क्राइब गरे पछि लामो समय सम्म चलाउन पाइने र तुलनात्मक रुपमा निकै सस्तो पर्ने टेलिकमले जनाएको छ । कम्पनीले यस अन्तर्गत ३० जीबी र ६० जीबीको प्याक उपलब्ध गराइरहेको छ । ३० जीबीको प्याक आवश्यकता अनुसार ९० दिन सम्म चलाउन सकिन्छ । यस प्याकको मूल्य १ हजार ६ सय रुपैयाँ छ । त्यसैगरी ६० जीबी प्याक १ सय ८० दिन सम्म प्रयोग गर्न सकिन्छ । यसको मूल्य ३ हजार रुपैयाँ छ । यसरी प्याक प्रयोग गरी डाटा चलाउदा प्रतिएमबी करिव ५ पैसा मात्र खर्च लाग्ने टेलिकमले जनाएको छ । लार्ज डाटा प्याक लिनका लागि आफ्नो मोबाइलबाट *1415# डायल गरेर विन्टर अफर अन्तर्गतको लार्ज डाटा प्याक छनोट गर्नु पर्दछ । त्यसैगरी सिधै *1415*1*7# डायल गरेर पनि यो सेवा प्राप्त गर्न सकिन्छ । त्यसपछि आफूलाई आवश्यक ३० जीबी डाटाका लागि १ र ६० जीबी डाटाका लागि २ छनोट गरी प्याक लिन सकिन्छ । आफूले प्रयोग गरिरहेको मोबाइलमार्फत एसएमएस पठाएर पनि यी प्याकहरु सब्स्क्राइब गर्न सकिन्छ । यसका लागि क्रमशः DATA30GB वा DATA60GB लेखेर १४१५ मा एसएमएस पठाउनु पर्ने टेलिकमले जनाएको छ ।

सम्बन्धित

सशस्त्र प्रहरीका एआईजी नारायण दत्त पौडेलले लगाए दर्ज्यानी चिन्ह (फूली)

जिल्ला प्रहरी कार्यालय दाङले म्यादी प्रहरीहरुको विदाई गर्‍यो

सशस्त्र प्रहरीका एआईजी नारायण दत्त पौडेलले लगाए दर्ज्यानी चिन्ह (फूली)

एआईजी लामा आईतबारदेखि अनिवार्य अवकाश हुँदै ५ डीआईजी एआईजीमा बढुवा हुँदै

बाँके प्रहरी प्रमुख एसपी र डिएसपीले गरे म्यादी प्रहरीहरुको बिदाई

सरकारले ७ वटै प्रदेशमा एआईजी खटाउने तयारी ऐन संशोधन अन्तिम चरणमा