कपिलवस्तुको हुलाकी मार्ग निर्माणमा रहेको गाडीमा आगजनी

प्रकशित मिति : २३ फाल्गुन २०७६, शुक्रबार ०८:३५

कपिलवस्तु विजयनगर गाउँपालिकाको हुलाकी मार्ग अन्तर्गत लोहोरौलामा निर्माण भइरहेको सडकमा कार्यरत ४ वटा हेवी इक्प्युपमेन्ट र २ जीपमा अज्ञात समूहले गत राती आगजनी गरेका छन् । आगजनीबाट सो सडक निर्माणको जिम्मेवारी पाएको शर्मा एण्ड कम्पनीको २ वटा स्काभेटर, २ वटा ब्याक हु लोडर र २ वटा वोलेरो पीक अप जीप क्षति भएका छन् ।
विजयनगर गाउँपालिका वडा नं. २ लोहरौला स्थित साइट अफिसमा पार्किङ गरी राखिएका एउटा स्काभेटर, २ वटा ब्याक हु लोडर र २ वटा बोलेरो पीक अफ जीप करीब १ बजे आगजनी गरेका हुन् । उनीहरुले साइट अफिसमा रहेका कर्मचारीका कोठाको बाहिरबाट चुक्कुल थुनेर आगजनी गरेको प्रहरीले जनाएको छ ।
यसै गरी शिवराज नगरपालिका-९ तुरुन्तपुरमा निर्माणाधीन सडक किनारमा राखिएको स्काभेटर सोही समयमा आगजी गरिएको गणेशपुर इलाका प्रहरी कार्यालयका ईन्चार्ज प्रहरी निरीक्षक मधु नेपालले बताए ।
आगजनी स्थलमा कारवाही किन ? भन्दै नेपाल कम्युनिष्ट पार्टी कपिलवस्तु लेखिएको एक पर्चा भेटिएको प्रहरीले जनाएको छ । भेटिएको पर्चामा काममा गुणस्तर नभएको, शर्मा एण्ड कम्पनीले आफ्नो पार्टीको सुराकी गरेको र काम गर्ने सन्दर्भमा स्थानीयलाई मुआब्जा प्रदान प्रक्रिया पुरा नगरी काम सुरु गरेको जस्ता आरोप लगाइएको छ । घटनाबारे सुक्ष्म अनुसन्धान भइरहेको प्रहरी नायब उपरीक्षक सुनिल मल्लले बताए । आगलागीबाट ६ वटै निर्मान गरेको हो !

प्रकशित मिति : २३ फाल्गुन २०७६, शुक्रबार ०८:३५