बाँकेमा ट्रक र कार एकआपसमा ठोक्कीदा दुईजना घाइते

महेन्द्र सिंह पुर्व पश्चिम राजमार्ग अन्तर्गत बाँकेको कोहलपुर-ढकेरी सडकखण्डमा सडक दुर्घटना हुँदा २ जना घाईते भएका छन । बिहिबार दिउँसो पुर्वबाट आएको लु१क ११५५ नम्बरको मिनि ट्रक र पश्चिमबाट पुर्वतर्फ जाँदै गरेको लु२च ५७६९ नम्बरको कार एक आपसमा ठोक्किएर दुर्घटना भएको हो ।
दुर्घटनामा कारमा सवार दुई जना सामान्य घाईते भएको र उनिहरुको नेपालगन्ज मेडिकल कलेज नेपालगन्जमा उपचार भईरहेको ईलाका प्रहरी कार्यालय कोहलपुरका प्रहरी प्रमुख डिएसपी कुल दीप चंन्दले जनाएको छ ।