(महेन्द्र सिंह)
बाँके। वडा प्रहरी कार्यालय नेपालगन्जले हराएको चार लाख पाँच दिन पछि भेटाएर सम्बन्धित व्यक्तिलाई बुझाएको छ ।
बैजनाथ गाउँपालिका वडा नं. ३ की राधिका बिकले मंसिर ८ गते बानियाभार जाने क्रममा झोला सहित उक्त रकम हराएकी थिइन ।
रकम हराएको विषयमा उनले वडा प्रहरी कार्यालय नेपालगन्जमा निवेदन दिएकी थिइन ।
निवेदन प्राप्त भएपछि वडा प्रहरी प्रमुख प्रहरी निरीक्षक दिल्ली बहाखुर खड्काले तत्काल खोजतलासमा खटिएका थिए ।
उनलै हराएको पैसा भेटाएपछि सोमवार बिकलाई हस्तान्तरण गरिएको जिल्ला प्रहरी कार्यालय बाँकेका प्रहरी प्रमुख एसपी ओम बहादुर रानाले जानकारी दिनुभएको छ ।
