तुल्सीपुर मालपोत मुद्दा फाँटको सेवा मंसिर १९ गते सम्मको लागि बन्द

(तेज वली)
दाङ । तुलसीपुर मालपोत कार्यालयमा केही दिन अघि एक नायब सुव्वा र कार्यालय सहयोगीलाई अख्तियारले घुससहित पक्राउ गरेपछि कर्मचारीको अभाब देखाउँदै मालपोत कार्यालय तुलसीपुरले सेवा बन्द गरेको जनाएको छ । कार्यालय प्रमुख नरेश खड्काले एक सूचना जारी गरि मंसीर १९ गतेसम्म कार्यालयको मुद्दा फाटको सम्पूर्ण सेवा बन्द भएको जानकारी गराएका हुन् । कर्मचारी अभाब हुँदा मुद्दा फाँटका कर्मचारीले अन्य शाखामा बसेर काम गर्नुपर्ने भन्दै सेवा बन्द गरिएको हो ।
साथै आफु  मंगलबार कार्यालयकै कामकालागि काठमाडौ जानुपर्ने भएकाले सेवा स्थगित भएको सूचनामा भनिएको छ । यस अघि कार्यालयका दुई कर्मचारी तीनलाख २० हजार घुस सहित पक्राउ परेका थिए । यस विषयमा अहिले अनुसन्धान भइरहेको छ । घुससहित कर्मचारी समातिएपछि अहिले कार्यालयको सेवा प्रभाबित हुँदै आएको छ ।