दाङमा फागुन २४ नामक नेपाली चलचित्र प्रदशन हुने

सागर थापा, दाङ
नेपालको कम्युनिस्ट पार्टी स्थापनाको प्रारम्भिक चरणमा चलेको वर्गसंघर्ष र २०१० सालमा प्युठानमा चलेको किसान आन्दोलन संग सम्बन्धीत फाल्गुण २४ नामक चलचित्र दाङमा प्रदर्सन हुने भएको छ । नेपाली कम्युनिस्ट आन्दोलनका अगुवा नेतृत्व मोहनबिक्रम सिंहद्वारा लेखिएको र रक्तिम सास्कृतिक अभियानका उदयमान कलाकार हेमराज आश्रम द्वारा निर्देशीत उक्त फिल्म दाङमा प्रदर्शन गरिने भएको हो। यहि जेष्ठ २५ गते घोराहीको गणेश चित्रालय र २६ गते भालुबाङको फिल्म हलमा प्रदर्सन हुदैछ । राजनीति र सामाजिक आन्दोलनमा लाग्ने सबैले हेर्नै पर्ने भनिएको उक्त फिल्ममा दाङ जिल्ला बासी रक्तिमका पुराना कलाकार नारायण योगिको मुख्य भुमिका छन । उक्त चलचित्रमा पुरानो वर्गसंघर्षको जानकारी लिदै नया ज्ञान र अनुभुती गर्न सकिने दावी छ । रुचि हुनेले राष्ट्रिय जनमोर्चा दाङका अध्यक्ष गणेश आचार्य शीत ९८५१२१०१०९ मा सम्पर्क गर्न सक्नु हुनेछ । २०१० सालमा प्युठानको नारिकोटमा साहु फटाहा र सामन्तका विरुद्ध पहिलो संगठित आन्दोलन चलेको थियो । नेपाल को कम्युनिस्ट आन्दोलनको पहिलो प्रयास थियो त्यो। त्यो संघर्सले २०१० फाल्गुण २४ गते सफल्ता हासिल गरेको थियो । त्यसैले चलचित्रको नाम पनि फाल्गुण २४ रहन गयको हो । चलचित्र मा त्यो बेलाको इतिहास र समाजको झलक समेत देख्न पाइन्छ ।