(सागर थापा)
कपिलवस्तु । जिल्ला प्रहरी कार्यालय कपिलवस्तुले होली पर्वमा अमर्यादित कार्य गरेको अभियोगमा ११ जनालाई नियन्त्रणमा लिएको छ । जर्वजस्ती रंग र लोला हान्ने अत्यधिक मादक पदार्थ सेवन गरी हल्ला गर्ने, मादक पदार्थ सेवन गरी सवारी साधन चलाउने, क्षमता भन्दा धेरै यात्रु राख्ने कार्यमा संलग्न भएका ११ जनालाई नियन्त्रणमा लिएको जिल्ला प्रहरी कार्यालय 
कपिलवस्तुका प्रहरी प्रमुख एसपी नवराज अधिकारीले जानकारी दिएका छन् । त्यसैगरी उक्त उत्सृंखल कार्यमा प्रयोग भएका २२० वटा मोटरसाईकल १० वटा रिक्सालाई समेत नियन्त्रणमा लिएको कपिलवस्तु प्रहरीले जनाएको छ । अपराध नियन्त्रण, शान्ति सुरक्षा कायम गर्ने तथा चाड पर्वलाई मर्यादित बनाउने प्रहरीको बिशेष अभियान 
अन्तरगत भएको निगरानीमा विभिन्न ठाउँबाट उनिहरुलाई पक्राउ गरिएको र अनुसन्धान भैरहेको कपिलवस्तु प्रहरी प्रमुख एसपी अधिकारीले बताएका छ्न ।
