(सागर थापा)
दाङ। जिल्ला प्रहरी कार्यालय दाङले लेनदेन मुद्धामा फरार भएकी एक महिलालाई दुई वर्ष पछि पक्राउ गरी सार्वजनिक गरेको छ ।
जिल्ला प्रहरी कार्यालय दाङका प्रहरी प्रवक्ता डिएसपी मुकुन्द प्रसाद रिजालले जानकारी दिनुभएको छ । घोराही उपमहानगरपालिका १४ मिलनचोक बस्ने ३१ बर्षिया धनमाया बुढालाई पक्राउ गरिएको हो ।
बुढा विरुद्ध दाङ देउखुरी जिल्ला अदालतले लेनदेन मुद्धामा २०७६ कात्तिक ६ गते दुई वर्ष कैद फैसला गरेको थियो । फरार भएकी बुढालाई गएको सोमवार पक्राउ गरी मंगलवार अदालतमा उपस्थित गराएको प्रबक्ता डिएसपी रिजालले बताए ।
